سونے کی قیمت میں کمی، فی تولہ کتنے کا ہوگیا؟

روس کی یوکرین جنگی اخراجات بڑھنے اور ترکیہ کی اپنے مالیاتی دباؤ میں کمی کی غرض سے سونے کے ذخائر فروخت کیے جانے اور امریکا ایران مذاکرات کے دوسرے دور سے متعلق اطلاعات کے باوجود فریقین کے درمیان کشیدگی سے عالمی سطح پر سونے کی قیمتوں میں دوبارہ کمی کا رجحان غالب ہوگیا ہے۔ بین الاقوامی بلین مارکیٹ میں فی اونس سونے کی قیمت میں 49 ڈالر کے کمی سے 4ہزار 788ڈالر کی سطح پر آگئی۔ مقامی صرافہ مارکیٹوں میں بھی پیر کو فی تولہ سونے کی قیمت 4ہزار 900روپے کی کمی سے 5لاکھ 01ہزار 162روپے کی سطح پر آگئی اور فی دس گرام سونے کی قیمت بھی 4ہزار 201 روپے کی کمی سے 4لاکھ 29ہزار 665روپے کی سطح پر آگئی۔ اسی طرح عالمی مارکیٹ میں فی اونس چاندی کی قیمت 1 ڈالر 45 سینٹس بڑھ کر 79ڈالر 33سینٹس پر آنے سے مقامی صرافہ مارکیٹوں میں بھی فی تولہ چاندی کی قیمت 145روپے کی کمی سے 8 ہزار 417روپے اور فی دس گرام چاندی کی قیمت 124روپے کی کمی سے 7ہزار 216روپے کی سطح پر آگئی۔