میری درخواست پر ایران میں 8 خواتین کی سزائے موت روک دی گئی، ٹرمپ

امریکی صدر ڈونلڈ ٹرمپ نے دعویٰ کیا ہے کہ ایران میں سزائے موت کا سامنا کرنے والی 8 خواتین مظاہرین کی سزائیں روک دی گئی ہیں۔ امریکی صدر نے یہ دعویٰ اپنے سوشل میڈیا پلیٹ فارم پر کی گئی پوسٹ میں کیا جس میں انھوں نے بتایا کہ 8 میں سے 4 کو فوری طور پر رہا جبکہ باقی چار کو ایک ماہ قید کی سزا دی جائے گی۔ صدر ٹرمپ نے مزید کہا کہ مجھے اطلاع دی گئی ہے کہ یہ خواتین، جنھیں مبینہ طور پر آج رات سزائے موت دی جانی تھی اب اس سزا سے بچ گئی ہیں۔ جس پر ایران اور اس کی قیادت کا شکریہ ادا کرتا ہوں کہ میری درخواست کو تسلیم کیا۔ https://truthsocial.com/@realDonaldTrump/116449429763121963 صدر ٹرمپ کے اس دعوے پر ایران کی جانب سے تاحال نہ تو تردید کی گئی اور نہ ہی تصدیق سامنے آئی ہے تاہم گزشتہ روز ایرانی حکام نے کہا تھا کہ امریکی صدر کو جعلی خبروں پر تبصرے سے قبل اس کی تصدیق کرلینی چاہیئے۔