Daily Nijaat - Latest Posts

جلی ہوئی دیواریں اور راکھ سے بھرے گھر: جیکب آباد میں محبت کی شادی پر پورا گاؤں جلا دینے کا الزام

WebDesk — Mon, 25 May 2026 13:25:42 +0500

گاؤں میں تباہی کے مناظر مئی میں دیکھے گئے۔ تاہم اس کہانی کو سمجھنے کے لیے ہمیں ذرا پیچھے جانا ہو گا، جب کراچی میں زیر تعلیم حسن برڑو اور سدرہ چنا نے حیدرآباد جا کر کورٹ میرج کر کے ویڈیو جاری کی تھی۔

سٹاک مارکیٹ میں ٹرمپ کی سرمایہ کاری پر اٹھتے سوال: امریکی صدر نے کن کمپنیوں کے حصص خریدے؟

WebDesk — Mon, 25 May 2026 13:25:42 +0500

امریکی صدر کے پورٹفولیو میں موجود ایک کمپنی کے شیئر کی قیمت گر رہی تھی، اور پھر انھوں نے کمپنی کے حق میں سوشل میڈیا پوسٹ کر دی۔ ٹرمپ نے رواں سال کے پہلے تین ماہ میں سٹاک مارکیٹ میں 3642 سودے کیے۔ بعض سودوں پر اور ان کی ٹائمنگ پر سوال اٹھ رہے ہیں

پاکستان، سعودی عرب اور قطر سے اسرائیل کو تسلیم کرنے کی امید اور لنزے گراہم کی ’سنگین نتائج‘ کی دھمکی

WebDesk — Mon, 25 May 2026 13:25:42 +0500

ٹروتھ سوشل پر ٹرمپ کا بیان خاصی توجہ کا مرکز رہا جس پر بعد ازاں ایکس پر امریکی سینیٹر لنزے گراہم نے بھی اس کی حمایت کرتے ہوئے کہا کہ ایران کے ساتھ بات چیت کے ذریعے تنازعے ختم ہونے پر اگر نتیجتاً خطے کے عرب اور مسلم اتحادی ابراہیمی معاہدوں میں شامل ہو جائیں تو یہ مشرق وسطیٰ کی تاریخ کے لیے سب سے موثر معاہدہ ہو گا۔

ٹرمپ کا بیان، اسرائیلی تحفظات اور تہران کا پاکستان کو پیغام: ایران اور واشنگٹن کے درمیان ممکنہ معاہدے کے بارے میں ہم کیا جانتے ہیں؟

WebDesk — Mon, 25 May 2026 13:25:42 +0500

امریکی سیکریٹری خارجہ مارکو روبیو کا کہنا ہے کہ ایسا معاہدہ طے پا سکتا ہے جس سے مشرق وسطیٰ میں جنگ کا باضابطہ خاتمہ ہو جائے گا۔ امریکی صدر ڈونلڈ ٹرمپ نے بھی کہا ہے کہ ایران کے ساتھ مذاکرات آخری مراحل میں ہیں۔

گوادر یونیورسٹی کے وائس چانسلر سمیت ادارے کے چاروں ملازمین مستونگ سے بازیاب

WebDesk — Mon, 25 May 2026 13:25:42 +0500

یونیورسٹی کے وائس چانسلر پروفیسر ڈاکٹر عبدالرزاق صابر کے اہلخانہ نے بتایا کہ وہ اپنے گھر پہنچ گئے ہیں جبکہ باقی لوگ بھی بحفاظت بازیاب ہو گئے ہیں۔

کوئٹہ میں ٹرین پر خودکش حملے میں ایک درجن سے زیادہ ہلاکتیں: ’زوردار دھماکہ ہوا، گھر کے سارے شیشے ٹوٹ گئے اور دروازے کھڑکیاں گر گئیں‘

WebDesk — Mon, 25 May 2026 13:25:42 +0500

حکومت بلوچستان کے بیان کے مطابق مرنے والوں میں اکثریت عام شہریوں، راہگیروں، مسافروں اور دھماکے کے مقام کے قریب واقع گھروں کے مکینوں پر مشتمل ہے۔

عدالت کا ریپ کرنے والے لڑکوں کو جیل نہ بھیجنے کا فیصلہ: ’یہ میرے چہرے پر پتھر مارنے جیسا تھا‘

WebDesk — Mon, 25 May 2026 13:25:42 +0500

بی بی سی سے گفتگو کرتے ہوئے متاثرہ لڑکی نے کہا کہ ’میں کیوں عدالت گئی، مقدمہ بھگتا، تمام درد سے گزری، ثبوتوں کے باعث سب کچھ دوبارہ جھیلا۔‘

’سکائی میپ ریڈار‘: یوکرین اپنے آسمانوں کو کیسے ’ڈرون پروف‘ بنا رہا ہے؟

WebDesk — Mon, 25 May 2026 13:25:42 +0500

روسی حملے کے چار سال سے زیادہ عرصے بعد یوکرین نے ایک بتدریج زیادہ جدید اور کثیر سطحی فضائی دفاعی نظام قائم کر لیا۔

جب بریانی سے سبزی کی بجائے بوٹی نکلنے پر معاملہ عدالت جا پہنچا

WebDesk — Mon, 25 May 2026 13:25:42 +0500

ایک صارف نے ’سوِگی‘ ایپ سے منگوائی گئی ویج بریانی میں چکن کی بوٹیاں ملنے پر عدالت کا رخ کر لیا۔

گوگل گلاس کی ناکامی کے بعد ایک اور کوشش: اس بار گوگل کے سمارٹ چشموں میں کیا مختلف ہے؟

WebDesk — Mon, 25 May 2026 13:25:42 +0500

یہ چشمے موسم سرما میں کسی وقت فروخت کے لیے پیش کیے جائیں گے۔ ان چشموں کے فریم میں ایک چھوٹا کیمرہ اور بازوؤں میں چھوٹے سپیکرز ہوں گے۔ ان کے ذریعے صارف گوگل کے مصنوعی ذہنات کے پروگرام جیمینائی سے بات چیت کر سکے گا۔

امریکی فوج کی سابق اہلکار پر ایران کے لیے جاسوسی کا الزام اور گرفتاری پر انعام مقرر: مونیکا وِٹ کون ہیں؟

WebDesk — Mon, 25 May 2026 13:25:42 +0500

ایف بی آئی سابق امریکی فوجی مونیکا وِٹ کو تلاش کر رہی ہے اور گرفتاری میں مدد کے لیے دو لاکھ امریکی ڈالرز انعام کا اعلان بھی کیا ہے

نام اور حلیہ بدل کر ممبئی میں اداکار بن جانے والا مفرور قاتل 12 برس بعد گرفتار کیسے ہوا؟

WebDesk — Mon, 25 May 2026 13:25:42 +0500

پولیس کے مطابق، ہیمنت مودی پیشے کے اعتبار سے ایک وکیل تھے جنھیں 2008 میں قتل کے ایک مقدمے میں عمر قید کی سزا سنائی گئی تھی۔ چھ سال بعد پیرول ملنے پر وہ فرار ہو گئے۔ وہ ممبئی چلے گئے اور اداکار بن گئے اور کئی فلموں، ٹی وی سیریلز اور ویب سیریز میں کام کرتے رہے۔

’دی گریٹ گاما‘: ایک ناقابل شکست پہلوان کی کہانی جو دن میں چھ مرغے کھاتا اور 15 گھنٹے ورزش کرتا

WebDesk — Mon, 25 May 2026 13:25:42 +0500

گاما نے تین ہزار کشتیاں لڑیں لیکن کبھی شکست نہیں کھائی لیکن وہ بچپن سے ہی غیر معمولی پہلوان تھے۔ گاما نے صرف دس برس کی عمر میں 400 پہلوانوں کے مجمعے میں سب سے زیادہ بیٹھکیں لگائی تھیں۔

متحدہ عرب امارات اسرائیل کے قریب اور عرب ممالک سے دور

WebDesk — Mon, 25 May 2026 13:25:42 +0500

اسرائیل یو اے ای کی بڑھتی ہوئی قربت عرب دنیا کے لیے کتنا بڑا چیلنج ہے؟

اسماعیلی برادری کے 50ویں امام شہزادہ رحیم الحسینی کا دورہ پاکستان: ’پہلی مرتبہ امامِ حاضر کا دیدار ہوا، ہماری تو عید ہو گئی‘

WebDesk — Mon, 25 May 2026 13:25:42 +0500

اسماعیلی شیعہ روایت میں ’حاضر امام‘ کے دیدار کا تجربہ جسمانی (فزیکلی) اور روحانی دونوں طور پر کیا جا سکتا ہے۔ جسمانی دیدار سے مراد وہ موقع ہیں جب اسماعیلی برادری سے تعلق رکھنے والے افراد کو یہ سعادت حاصل ہوتی ہے کہ وہ اپنے دور کے اسماعیلی امام کی موجودگی میں براہ راست اُن کی زیارت کریں۔

’میرا بیٹا میڈیکل کی تعلیم کے لیے پاکستان گیا تھا‘: مظفرآباد میں قتل ہونے والے حمزہ کو انڈیا کے زیرِ انتظام کشمیر میں عسکریت پسندی سے کیوں جوڑا جا رہا ہے؟

WebDesk — Mon, 25 May 2026 13:25:42 +0500

پولیس کے مطابق ’حمزہ اپنے کچھ دوستوں کے ساتھ کالج سے باہر آئے تھے اور بات چیت کے بعد جب وہ واپس کالج کے اندر جا رہے تھے تو اُن کی پیٹھ پر پہلا فائر کیا گیا، جس کے بعد مزید فائرنگ کی گئی جس میں ایک گولی اُن کے سر میں لگی تھی۔‘

عمران خان دور میں 50 لاکھ گھر کیوں نہ بن سکے اور شہباز شریف کی ’اپنا گھر سکیم‘ سے کس کو فائدہ ہو گا؟

WebDesk — Mon, 25 May 2026 13:25:42 +0500

حال ہی میں پاکستان کے وزیر اعظم شہباز شریف کی ’اپنا گھر سکیم‘ کے تحت مڈل کلاس طبقے کے لیے پہلے سال میں 50 ہزار گھروں کی فراہمی کا وعدہ کیا گیا۔ کیا اس بار آسان شرائط پر قرض دینے کی سکیم ہاؤسنگ کے بحران کا حل ثابت ہو گی یا پھر یہ محض ایک سیاسی نعرہ ہے؟

کام جاری ہے، شاید آج ایران کے ساتھ کسی معاہدے پر پہنچ جائیں: امریکی وزیرِ خارجہ

WebDesk — Mon, 25 May 2026 13:25:41 +0500

پیر کو صحافیوں سے بات کرتے ہوئے مارکو روبیو نے کہا ’ہم اب بھی اس پر کام کررہے ہیں۔ جیسے میں نے پہلے کہا تھا کہ ہمیں لگا تھا کہ شاید کوئی خبر گذشتہ رات آجائے، لیکن شاید آج آ جائے۔‘ امریکی وزیر خارجہ کے مطابق اس تجویز کے خد و خال یہ ہیں کہ آبنائے ہرمز کھول دی جائے اور وقت کا تعین کر کے جوہری امور پر مذاکرات شروع کیے جائیں۔

نئی پاکستانی ایئر لائن ساؤتھ ایئر آج سے ٹیسٹ فلائٹ کا آغاز کرے گی

WebDesk — Mon, 25 May 2026 13:25:35 +0500

نئی پاکستانی ایئر لائن ساؤتھ ایئر آج سے ٹیسٹ فلائٹ کا آغاز کرے گی۔ ساؤتھ ایئر کی ٹیسٹ فلائٹ آج کراچی سے گوادر اور بعد ازاں کوئٹہ پہنچے گی، ساؤتھ ایئر اپنی پروازوں کے لیے اے ٹی آر ساختہ طیارے استعمال کرے گی۔ ایئر لائن نے سول ایوی ایشن سے سیاحت کے فروغ کے لیے ٹی پی آر آئی لائسنس حاصل کیا ہے۔ ساؤتھ ایئر نے ملکی ریجنل ہوائی اڈوں کوایک دوسرے سے منسلک کرنے اور مسافروں کی سہولت کے لیے اعلان کر رکھا ہے۔ ساؤتھ ایئر ملتان، گوادر، تربت کوئٹہ، کراچی سکھر رحیم یار خان ایئر پورٹس پر پروازیں چلائے گی۔ ایئر لائن انتظامیہ نے سول ایوی ایشن سے آر پی ٹی لائسنس کی درخواست بھی جمع کرائی ہے۔

کراچی میں آج بادلوں اور پھوار کے ساتھ صبح کا آغاز، دن کیسا گزرے گا؟

WebDesk — Mon, 25 May 2026 13:25:29 +0500

شہر قائد میں آج صبح کے اوقات میں بادلوں کے ڈیرے رہے اور سمندری ہواؤں کے ساتھ کئی علاقوں میں پھوار بھی پڑی۔ محکمہ موسمیات کے مطابق چند گھنٹوں کے بعد شہر پر چھانے والے بادل چھٹ جائیں گے، تاہم آج بھی موسم گرم و مرطوب اور تیزہوائیں چلنے جبکہ مطلع بیشتر اوقات صاف رہنے کا امکان ہے۔ آج زیادہ سے زیادہ درجہ حرارت 34 سے 36 ڈگری سینٹی گریڈ رہنے کی توقع ہے۔ یاد رہے کہ گزشتہ روز زیادہ سے زیادہ درجہ حرارت 35 ڈگری سینٹی گریڈ ریکارڈ ہوا تھا۔ محکمہ موسمیات کے مطابق آج کم سے کم درجہ حرارت 29 ڈگری سینٹی گریڈ ریکارڈ ہوا اور آئندہ 24 گھنٹوں کے دوران 20 تا 50 کلومیٹر فی گھنٹہ کی رفتار سے سمندری ہوائیں چلنا متوقع ہے۔ آج صبح ہوا میں نمی کا تناسب 78 فیصد ریکارڈ ہوا ہے جبکہ آئندہ 24 گھنٹوں کے دوران نمی کا تناسب 50 سے 85 فیصد رہنے کا امکان ظاہر کیا گیا ہے۔ نمی کا تناسب زائد رہنے سے درجہ حرارت سے 5 سے 8 درجے ذیادہ محسوس ہورہا ہے۔

کیا گائے کا گوشت ذیابیطس کا باعث بنتا ہے؟ نئی تحقیق میں اہم انکشافات سامنے آگئے

WebDesk — Mon, 25 May 2026 13:25:23 +0500

ذیابیطس ٹائپ ٹو اور ہائی بلڈ شوگر کو دنیا بھر میں تیزی سے پھیلنے والے دائمی امراض میں شمار کیا جاتا ہے، جبکہ سرخ گوشت خصوصاً گائے کے گوشت کو اکثر ان بیماریوں کے خطرات سے جوڑا جاتا رہا ہے۔ تاہم ایک نئی طبی تحقیق نے اس تاثر کو چیلنج کرتے ہوئے حیران کن نتائج پیش کیے ہیں۔ امریکا کی انڈیانا یونیورسٹی اسکول آف پبلک ہیلتھ کی تحقیق کے مطابق گائے کے گوشت کا روزانہ استعمال بلڈ شوگر، انسولین کے افعال یا جسم میں ورم کے خطرے میں اضافے کا باعث نہیں بنتا۔ محققین کا کہنا ہے کہ تحقیق میں گائے کے گوشت کے استعمال سے میٹابولک صحت پر کوئی نمایاں منفی اثر سامنے نہیں آیا۔ اس مقصد کے لیے ماہرین نے ایک کلینیکل ٹرائل کیا جس میں 18 سے 74 سال عمر کے 24 افراد کو شامل کیا گیا۔ یہ تمام افراد زائد وزن یا موٹاپے اور ہائی بلڈ شوگر کا شکار تھے، تاہم دیگر اعتبار سے صحت مند تصور کیے گئے۔ تحقیق کے دوران شرکاء کو دو مختلف غذائی منصوبوں پر 28، 28 دن تک عمل کروایا گیا۔ ابتدائی مرحلے میں انہیں روزانہ دو مرتبہ کھانے کے ساتھ تقریباً 100 گرام گائے یا مرغی کا گوشت دیا گیا، جبکہ اگلے مرحلے میں انہیں مکمل طور پر گوشت سے دور رکھا گیا۔ اس دوران بلڈ شوگر، انسولین حساسیت اور دیگر میٹابولک عوامل کا مسلسل جائزہ لیا گیا۔ محققین نے نتائج میں دیکھا کہ گائے کے گوشت کے استعمال سے نہ تو بلڈ شوگر کی سطح میں کوئی نمایاں تبدیلی آئی اور نہ ہی انسولین کے نظام پر منفی اثرات سامنے آئے۔ ماہرین کے مطابق گائے اور مرغی کے گوشت کے اثرات تقریباً یکساں دیکھے گئے۔ تحقیقی ٹیم نے اس بات کا اعتراف بھی کیا کہ تحقیق کا دورانیہ نسبتاً مختصر تھا، تاہم اتنے عرصے میں بھی غذا کے جسم پر اثرات سامنے آنا شروع ہو جاتے ہیں، اس لیے نتائج کو اہم قرار دیا جا رہا ہے۔ اس تحقیق کے نتائج معروف طبی جریدے کرنٹ ڈویلپمنٹ اِن نیوٹریشن میں شائع کیے گئے ہیں۔ واضح رہے کہ ذیابیطس ٹائپ ٹو ایسی بیماری ہے جس میں جسم یا تو مناسب مقدار میں انسولین نہیں بناتا یا پھر انسولین کو مؤثر انداز میں استعمال نہیں کر پاتا، جس کے باعث خون میں شوگر کی سطح خطرناک حد تک بڑھ جاتی ہے۔ اگر اس بیماری کو قابو میں نہ رکھا جائے تو دل، اعصاب، آنکھوں اور دیگر اعضا کو شدید نقصان پہنچنے کا خدشہ بڑھ جاتا ہے۔

پاکستانی نژاد برطانوی باکسر حمزہ شیراز عالمی چیمپئن بن گئے

WebDesk — Mon, 25 May 2026 13:25:18 +0500

پاکستانی نژاد برطانوی باکسر حمزہ شیراز نے عالمی چیمپئن بن کر کھیلوں کی دنیا میں ایک بار پھر پاکستان کا پرچم سربلند کردیا۔ تفصیلات کے مطابق پاکستانی نژاد برطانوی باکسر حمزہ شیراز نے ڈبلیو بی او سپر مڈل ویٹ عالمی ٹائٹل اپنے نام کرلیا۔ حمزہ شیراز نے جرمنی کے ایلم بیگچ کو دوسرے راؤنڈ میں ناک آؤٹ کرکے پہلی بار عالمی چیمپئن بننے کا اعزاز حاصل کرلیا۔ حمزہ شیراز نے فائٹ کے آغاز سے ہی جارحانہ حکمت عملی اپنائے رکھی، ان کے تابڑ توڑ اور درست پنچز نے جرمن حریف کو بے بس کردیا۔ حمزہ شیراز کے خطرناک لیفٹ ہک کے نتیجے میں جرمن باکسر رنگ میں سنبھل نہ سکے، ریفری نے مقابلہ فوری طور پر روک دیا۔ 26 سالہ حمزہ شیراز نے ریٹائرڈ ٹیرنس کرافورڈ کی خالی کردہ ڈبلیو بی او سپر مڈل ویٹ بیلٹ جیت کر تاریخ رقم کردی۔ فتح کے بعد پاکستانی نژاد برطانوی باکسر حمزہ شیراز نے رنگ میں سجدہ شکرادا کیا اور ٹیم کے ہمراہ کامیابی کا یادگار جشن بھی منایا۔ حمزہ شیراز نے اپنی شاندار فتح کے موقع پرمیڈیا سے گفتگو میں کہا کہ اس کامیابی کے بعد اب میں 168 پاؤنڈ کیٹیگری کے تمام عالمی باکسرز کا سامنا کرنے کے لیے مکمل طور پر تیار ہوں۔ انہوں نے کہا کہ میرے لیے یہ مقابلہ انتہائی آسان تھا، پہلا پنچ لگتے ہی حریف مکمل دباؤ میں آ گیا، میں نے اسے مسلسل پریشر میں رکھ کر شکست دے دی۔ حمزہ شیراز اس سے قبل ستمبر 2024 میں ٹائلر ڈینی کو شکست دے کر یورپی مڈل ویٹ ٹائٹل بھی اپنےنام کرچکے ہیں۔ پاکستانی سوشل میڈیا صارفین اور کھیلوں کے شائقین نے حمزہ شیراز کی تاریخی کامیابی کو پاکستان کے لیے باعثِ فخر قرار دے دیا۔

روس کا کیف پر خوفناک ہائپرسونک حملہ، 4 افراد ہلاک اور 100 سے زائد زخمی

WebDesk — Mon, 25 May 2026 13:25:12 +0500

روس نے کیف پر ہائپرسونک ’اوریشنک‘ میزائل سمیت بڑے پیمانے پر میزائل حملہ کردیا، جس کے نتیجے میں کم از کم 4 افراد ہلاک اور 100 سے زائد زخمی ہوگئے۔ غیر ملکی خبر ایجنسی اے ایف پی کے مطابق روس نے یوکرینی دارالحکومت کیف پر رات بھر شدید بمباری کی جس دوران کئی زور دار دھماکوں کی آوازیں سنائی دیں اور شہریوں نے جان بچانے کیلئے انڈر گراؤنڈ میٹرو اسٹیشنز میں پناہ لی۔ حملوں کے بعد شہر کے مختلف علاقوں میں آگ بھڑک اٹھی جبکہ متعدد عمارتیں تباہ یا شدید متاثر ہوئیں۔ متاثرہ عمارتوں میں رہائشی مکانات، اسکول، یونیورسٹیاں، عجائب گھر، تھیٹر، مارکیٹس اور شاپنگ سینٹرز شامل ہیں۔ یوکرینی صدر زیلنسکی نے حملے کو انتہائی پاگل پن پر مبنی کارروائی قرار دیتے ہوئے کہا کہ روس نے شہری انفرااسٹرکچر کو نشانہ بنایا ہے۔ ان کا کہنا تھا کہ یوکرین کو فوری طور پر مزید فضائی دفاعی نظام کی ضرورت ہے۔ روس کی فوج نے تصدیق کی ہے کہ حملے میں جوہری صلاحیت رکھنے والا ہائپرسونک اوریشنک میزائل استعمال کیا گیا۔ تاہم ماسکو نے شہری علاقوں کو نشانہ بنانے کی تردید کرتے ہوئے دعویٰ کیا کہ حملے یوکرینی فوج اور انٹیلی جنس کے مراکز پر کیے گئے۔ کیف کے تمام اضلاع میں نقصان ریکارڈ کیا گیا ہے جبکہ تقریباً 30 عمارتیں مکمل یا جزوی طور پر تباہ ہوئیں۔ حملوں سے یوکرین کی کابینہ اور وزارت خارجہ کی عمارتوں کو بھی جزوی نقصان پہنچا۔ رپورٹس کے مطابق کیف کا قومی آرٹ میوزیم، فلہارمونک ہال اور کئی تاریخی عمارتیں بھی حملوں کی زد میں آئیں۔ ایک نیا میوزیم، جو 1986 کے چرنوبل ایٹمی حادثے کی یاد میں قائم کیا گیا تھا، مکمل طور پر تباہ ہوگیا۔ حملوں کے دوران البانوی سفیر کی رہائش گاہ کو بھی نقصان پہنچا، جس پر البانیہ نے احتجاج کرتے ہوئے روسی سفیر کو طلب کرلیا۔ اس کے علاوہ جرمن نشریاتی اداروں اے آرڈی اور ڈی ڈبلیو کے دفاتر بھی متاثر ہوئے جبکہ عالمی ادارہ صحت نے بتایا کہ کیف میں اس کے دفاتر کو بھی روسی حملوں کے ملبے سے نقصان پہنچا ہے۔ رپورٹ کے مطابق کیف کے علاوہ خارکیف، چرکاسی اور دنیپروپیٹروسک سمیت دیگر یوکرینی علاقوں میں بھی میزائل حملے کیے گئے جہاں درجنوں افراد زخمی ہوئے۔

راولپنڈی: خاوند کو تیسرے نکاح سے روکنے کیلئے بیوی نے اپنی اور بیٹی کی کلائی کاٹ دی

WebDesk — Mon, 25 May 2026 13:25:07 +0500

راولپنڈی کے علاقے روات میں خاتون نے مبینہ طور پر خاوند کو تیسرا نکاح کرنے سے روکنے کی کوشش میں اپنی بیٹی اور خود کو زخمی کر لیا۔ پولیس کے مطابق متاثرہ شخص کی درخواست پر اہلیہ کے خلاف مقدمہ درج کر لیا گیا ہے اور واقعے کی تحقیقات جاری ہیں۔ درخواست گزار کا کہنا ہے کہ اس کی شادی عائشہ عمران سے ہوئی تھی اور ان کے تین بچے ہیں۔ متاثرہ خاوند کے بیان کے مطابق وہ دفتر میں موجود تھا کہ اس کی اہلیہ نے فون کر کے اسے فوری طور پر گھر بلایا۔ جب وہ اپارٹمنٹ پہنچا تو اس کی اہلیہ کے ہاتھ میں چھری تھی۔ اس نے مبینہ طور پر اچانک بیٹی کی کلائی پر چھری رکھ کر اسے کاٹ دیا اور بعد ازاں اپنی کلائی بھی کاٹ لی۔ درخواست گزار کا کہنا ہے کہ اس نے بمشکل اپنی بیٹی کی جان بچائی۔ اس کے مطابق اس واقعے کی بنیادی وجہ یہ ہے کہ اس کی اہلیہ اسے تیسرا نکاح کرنے سے روک رہی تھی جس پر دونوں کے درمیان تنازع چل رہا تھا۔ پولیس کا کہنا ہے کہ خاتون نے بیٹی کو زخمی کر کے قتل کی کوشش اور خودکشی کی بھی کوشش کی، تاہم دونوں کو طبی امداد فراہم کی گئی۔ حکام کے مطابق معاملے میں صلح کی کوششیں بھی کی گئیں لیکن کامیاب نہ ہو سکیں۔ متاثرہ شخص نے خدشہ ظاہر کیا ہے کہ اس کی اہلیہ مستقبل میں بچوں کی جان لے سکتی ہے، جس پر پولیس نے مقدمہ درج کر کے مزید تفتیش شروع کردی ہے۔

ایران معاہدے پر اچھی خبر ہی سامنے آئے گی، میں ’بری ڈیل‘ نہیں کرتا، ٹرمپ کا دعویٰ

WebDesk — Mon, 25 May 2026 13:25:01 +0500

امریکی صدر ڈونلڈ ٹرمپ نے کہا ہے کہ ایران کے ساتھ امریکا کا مجوزہ معاہدہ ابھی مکمل طور پر طے نہیں پایا تاہم اس حوالے سے اچھی خبر ہی سامنے آئے گی کیونکہ وہ ’بری ڈیل‘ نہیں کرتے۔ امریکی ٹی وی چینل اے بی سی کو انٹرویو دیتے ہوئے ڈونلڈ ٹرمپ نے کہا کہ ایران کے ساتھ ہونے والا ممکنہ معاہدہ سابق امریکی صدر باراک اوباما کے دور کے معاہدے سے بالکل مختلف ہوگا۔ ٹرمپ نے کہا کہ ابھی تک کسی نے اس معاہدے کی تفصیلات نہیں دیکھیں اور نہ ہی عوام جانتے ہیں کہ اس میں کیا شامل ہے، اس لیے ایسے لوگوں کی باتوں پر توجہ نہ دی جائے جو مکمل معلومات کے بغیر تنقید کر رہے ہیں۔ امریکی صدر کا کہنا تھا کہ ان سے پہلے آنے والی قیادت کو یہ مسئلہ کئی سال پہلے حل کر لینا چاہیے تھا۔ انہوں نے کہا کہ ایران کے ساتھ مذاکرات منظم اور تعمیری انداز میں آگے بڑھ رہے ہیں اور معاہدے کی کامیابی کا انحصار ایران کے فیصلوں پر ہے۔ ڈونلڈ ٹرمپ نے مزید کہا کہ وہ ایسا معاہدہ چاہتے ہیں جو امریکا کے مفادات اور خطے کے استحکام کیلئے مؤثر ثابت ہو۔ رپورٹ کے مطابق ٹرمپ نے سوشل میڈیا پر ایک جنگی جہاز کے نیچے نصب میزائل کی تصویر بھی شیئر کی، جس پر ایک مخصوص جملہ تحریر تھا۔ اس پوسٹ کو ایران سے جاری کشیدگی اور جاری مذاکرات کے تناظر میں اہم قرار دیا جا رہا ہے۔

اس سال یوم عرفہ پر 1993 کے بعد پہلی بار ایک نایاب فلکیاتی مشاہدہ ہوگا

WebDesk — Mon, 25 May 2026 13:24:56 +0500

دبئی: اس سال یوم عرفہ پر ایک نایاب فلکیاتی مظہر بھی دیکھنے کو ملے گا، جب سورج براہِ راست خانہ کعبہ کے عین اوپر آ جائے گا۔ یہ منظر تقریباً ہر 33 سال بعد پیش آرہا ہے۔ ماہرین فلکیات کے مطابق یہ واقعہ 27 مئی 2026 کو دوپہر کے وقت پیش آئے گا، جو کہ 9 ذوالحجہ 1447 ہجری (یومِ عرفہ) کا دن ہوگا۔ اس لمحے سورج بالکل خانہ کعبہ کے اوپر ہوگا جس کے باعث مکہ مکرمہ میں سایہ مکمل طور پر ختم ہو جائے گا۔ عام طور پر خانہ کعبہ کے اوپر سورج کا یہ زاویہ سال میں دو بار بنتا ہے، جس کی وجہ مکہ مکرمہ کا جغرافیائی محلِ وقوع ہے، جو تقریباً 21.4 ڈگری شمالی عرض بلد پر واقع ہے۔ اس دوران سورج خطِ استوا اور مدارِ سرطان کے درمیان حرکت کرتا دکھائی دیتا ہے۔ تاہم اس سال اس مظہر کی خاص بات یہ ہے کہ یہ یومِ عرفہ کے ساتھ موافق ہو رہا ہے، جو ایک نایاب اتفاق ہے۔ اس سے قبل ایسا 1993 میں ہوا تھا۔ ماہرین کے مطابق یہ فرق قمری (ہجری) اور شمسی (عیسوی) کیلنڈرز کے درمیان فرق کی وجہ سے پیدا ہوتا ہے اور تقریباً 33 سال بعد دوبارہ ایک ہی تاریخ پر ہم آہنگی پیدا ہوتی ہے۔ سعودی عرب کے نیشنل سینٹر فار میٹرولوجی نے واضح کیا ہے کہ یہ ایک قدرتی اور معمول کا فلکیاتی مظہر ہے جس کا درجہ حرارت میں غیر معمولی اضافے سے کوئی لازمی تعلق نہیں۔ ادارے کے ترجمان حسین القحطانی کے مطابق موسم کی شدت کا انحصار کئی عوامل پر ہوتا ہے جن میں نمی، بادلوں کی موجودگی، ہوا کی رفتار اور فضائی دباؤ شامل ہیں، نہ کہ صرف سورج کی پوزیشن پر۔ انہوں نے مزید کہا کہ اس مظہر کی نگرانی ہر سال معمول کے مطابق کی جاتی ہے اور عوام کو چاہیے کہ وہ موسم سے متعلق معلومات کے لیے صرف مستند ذرائع پر انحصار کریں۔

فہد مصطفیٰ اپنے کپڑوں اور شارٹس پر ہونے والی تنقید کے بعد بھڑک اٹھے

WebDesk — Mon, 25 May 2026 13:24:50 +0500

پاکستان کے مقبول اداکار اور میزبان فہد مصطفیٰ نے کہا ہے کہ انہیں سوشل میڈیا پر ہونے والی عام ٹرولنگ سے زیادہ تکلیف اس بات پر ہوتی ہے کہ کچھ لوگ شوبز ستاروں کو نشانہ بنا کر اپنی کمائی اور کاروبار چلاتے ہیں۔ فہد مصطفیٰ نے حال ہی میں ایک یوٹیوب پروگرام میں شرکت کی، جہاں انہوں نے اپنی مقبولیت، سوشل میڈیا تنقید اور لباس کے انتخاب سمیت مختلف موضوعات پر کھل کر گفتگو کی۔ ان کا کہنا تھا کہ وہ عوامی رائے اور تنقید کو مثبت انداز میں لیتے ہیں اور کوشش کرتے ہیں کہ اس سے سیکھ کر خود کو بہتر بنایا جائے۔ اداکار نے کہا کہ انہیں اس وقت زیادہ افسوس ہوتا ہے جب کچھ افراد صرف کلک بیٹ اور وائرل مواد بنانے کے لیے تنازعات کو ہوا دیتے ہیں اور اسٹارز کو نشانہ بنا کر اپنے مفاد حاصل کرتے ہیں۔ ان کے مطابق ایسے لوگ مسلسل کسی نئے موقع کی تلاش میں رہتے ہیں تاکہ کسی بھی بات کو بڑھا چڑھا کر پیش کیا جا سکے۔ فہد مصطفیٰ نے مزاحیہ انداز اپناتے ہوئے کہا کہ یہ بھی ایک طرح کی کامیابی ہے کہ آج کل کوئی انٹرویو ان کے ذکر کے بغیر مکمل نہیں ہوتا، لوگ ہر انداز میں ان کے بارے میں بات کرتے ہیں، جو کسی حد تک خوش آئند بات ہے۔ انہوں نے مزید کہا کہ کسی کی مقبولیت پر بلاوجہ غصہ یا منفی ردعمل دینا درست نہیں۔ لباس سے متعلق تنقید پر بات کرتے ہوئے فہد مصطفیٰ نے واضح کیا کہ وہ فیشن کے معاملے میں غیر ضروری سختی نہیں رکھتے اور نہ ہی کبھی نامناسب لباس پہنتے ہیں، البتہ وہ مختلف اور فَنکی اسٹائل کے آؤٹ فٹس کو ترجیح دیتے ہیں۔

’میرا کرکٹ سے اعتبار ہی اٹھ گیا‘ مصباح کی اننگ پر سعید انور کے تاریخی الفاظ

WebDesk — Mon, 25 May 2026 13:24:45 +0500

پاکستان کرکٹ ٹیم کے سابق کپتان مصباح الحق نے ٹیسٹ میچ میں تیز ترین سنچری کا ریکارڈ برابر کرنے کے بعد کی دلچسپ کہانی بیان کردی ۔ ایک پوڈکاسٹ میں گفتگو کرتے ہوئے مصباح الحق نے بتایا کہ اسٹیو اسمتھ مجھے دو مرتبہ آؤٹ کر چکا تھا میرے ذہن میں تھا کہ اس سے کیسے آؤٹ ہوگیا ، اب دوسرے میچ میں یہ سامنے آئے گا تو حساب برابر کروں گا۔ انہوں نے کہا کہ اس نے مجھے اس میچ میں بھی شروع میں ہی آؤٹ کر دیا تھا لیکن پیٹر سڈل نے کیچ ڈراپ کر دیا۔ مصباح نے بتایا کہ جب بیٹنگ کے لیے گیا تو بولنگ اسمتھ ہی کر رہا تھا لیکن رنز کرنے تھے تو میں نے مارنا شروع کیا اور ریکارڈ بن گیا جس کا مجھے علم ہی نہیں تھا۔ انہوں نے کہا کہ ریکارڈ بننے کے بعد سعید انور نے کال کی اور کہا کہ مبارک ہو مجھے پتہ چلا ہے کہ تم نے ویوین رچرڈز کا ریکارڈ برابر کر دیا ہے۔ مصباح نے مزید بتایا کہ سعید بھائی نے مذاق میں یہ بھی کہا کہ میرا تو کرکٹ سے اعتبار ہی اٹھ گیا ہے، آج میں نے واقعی یہ بات مان لی ہے کہ کرکٹ بائے چانس ہے۔ Misbah-ul-Haq shares a funny story about the fastest Test hundred record: “I received a call from Saeed Anwar congratulating me, who said, ‘I’ve lost faith in cricket now. I have acknolwedged that cricket is by chance if you’ve levelled Viv Richards record!”???????? [Zalmi Tv] https://t.co/yjK4DscPhj pic.twitter.com/rIIAf9plLZ — Pavilion Post (@CricinsightsX) May 23, 2026 واضح رہے کہ مصباح الحق نے آسٹریلیا کے خلاف 56 گیندوں پر سنچری بناکر ویسٹ انڈین لیجنڈ ویوین رچرڈز کا ٹیسٹ کرکٹ میں تیز ترین سنچری بنانے کا ریکارڈ برابر کردیا تھا۔

فلپائن میں خوفناک حادثہ، زیر تعمیر عمارت گرنے سے متعدد افراد ملبے تلے دب گئے

WebDesk — Mon, 25 May 2026 13:24:39 +0500

فلپائن میں زیر تعمیر کثیر المنزلہ عمارت گرنے کے نتیجے میں کم از کم 3 افراد ہلاک جبکہ 17 لاپتا ہوگئے ہیں۔ امدادی ٹیمیں ملبے تلے دبے افراد کو نکالنے کے لیے مسلسل سرچ آپریشن جاری رکھے ہوئے ہیں۔ غیر ملکی خبر ایجنسیوں کے مطابق یہ افسوسناک واقعہ دارالحکومت منیلا کے شمال میں واقع اینجلس سٹی میں پیش آیا، جہاں زیر تعمیر عمارت اچانک منہدم ہوگئی۔ ریسکیو حکام کا کہنا ہے کہ اب تک دو افراد کو ملبے سے نکالا گیا، تاہم ان میں سے ایک شخص بعد میں دم توڑ گیا جبکہ دوسرا ملبے تلے ہی دل کا دورہ پڑنے سے جان کی بازی ہار گیا۔ فائر پروٹیکشن بیورو کی ترجمان ماریا لیہ سجیلی کے مطابق تھرمل اسکینرز کے ذریعے ملبے کے نیچے سانسوں اور دل کی دھڑکنوں کے آثار ملے ہیں، جس سے خدشہ ظاہر کیا جا رہا ہے کہ مزید افراد بھی زندہ دبے ہوسکتے ہیں۔ حکام کے مطابق لاپتا ہونے والوں میں زیادہ تر تعمیراتی مزدور شامل ہیں جو حادثے کے وقت ڈیوٹی پر موجود تھے۔ بتایا گیا ہے کہ تعمیراتی مقام پر مجموعی طور پر تقریباً 70 افراد کام کرتے تھے، تاہم بیشتر مزدور ویک اینڈ کے باعث گھروں کو جا چکے تھے۔ 55 سالہ مزدور الفریڈو البِس نے بتایا کہ وہ عمارت سے چند میٹر دور مزدوروں کی رہائش گاہ میں سو رہے تھے کہ اچانک عمارت گرنے کی زور دار آواز آئی۔ ان کے مطابق ان کے دو کزن اب بھی ملبے تلے دبے ہوئے ہیں۔ ریسکیو حکام کا کہنا ہے کہ عمارت گرنے کے بعد امدادی کارروائیاں انتہائی خطرناک اور پیچیدہ ہیں کیونکہ معمولی حرکت بھی مزید ملبہ گرنے کا سبب بن سکتی ہے، جس سے دبے ہوئے افراد اور امدادی کارکن دونوں خطرے میں پڑ سکتے ہیں۔ اسی وجہ سے ابتدائی مرحلے میں زیادہ تر ریسکیو کام ہاتھوں سے کیا جا رہا ہے۔ حکام نے بتایا کہ اگر مزید زندہ افراد نہ مل سکے تو بعد ازاں بھاری مشینری اور کھدائی کرنے والے آلات استعمال کیے جائیں گے تاکہ ملبہ ہٹایا جا سکے۔ واقعے کی وجوہات تاحال معلوم نہیں ہوسکیں، جبکہ مقامی حکومت نے عمارت گرنے کے اسباب جاننے کیلئے تحقیقات شروع کردی ہیں۔

عید قرباں میں دو روز باقی، کراچی تا لاہور مویشی منڈیوں میں بھاؤ تاؤ کی جنگ جاری

WebDesk — Mon, 25 May 2026 13:24:34 +0500

عید الاضحیٰ کی آمد میں صرف دو روز باقی رہنے کے ساتھ ہی مختلف شہروں کی مویشی منڈیوں میں خریداروں اور بیوپاریوں کا رش عروج پر پہنچ گیا۔ ناردرن بائی پاس پر لگنے والی کراچی کی سب سے بڑی مویشی منڈی میں سستے جانوروں کی تلاش کرنے والوں کی تعداد زیادہ ہے جبکہ بیوپاریوں اور خریداروں کے درمیان روایتی بحث اور سودے بازی جاری ہے۔ لاہور، راولپنڈی، اسلام آباد، پشاور اور کوئٹہ سمیت چھوٹے بڑے شہروں میں عارضی مویشی منڈیاں لگ چکی ہیں۔ خریدار شام اور رات کے اوقات میں منڈیوں کا رخ کر رہے ہیں تاکہ گرمی سے بچ سکیں اور اپنی پسند کے جانور خرید سکیں۔ ہفتہ اور اتوار کی چھٹیوں کے باعث شہریوں نے بڑی تعداد میں جانور خریدے تاہم منڈیوں میں اب بھی جانور موجود ہیں اور خریداروں کی آمدورفت کے ساتھ بھاؤ تاؤ کا سلسلہ جاری ہے۔ متعدد بیوپاری اپنے جانور فروخت کر کے گھروں کو واپس لوٹ گئے، تاہم اب بھی منڈیوں میں بڑی تعداد میں جانور موجود ہیں اور خریدار بھی مسلسل آ رہے ہیں۔ گزشتہ سال کے مقابلے میں اس سال بیوپاری اس کوشش میں ہیں کہ وہ جانور واپس لے جانے کے بجائے کم منافع پر ہی فروخت کر دیں، جس کے باعث گزشتہ دنوں کے مقابلے میں ریٹس میں کچھ کمی بھی دیکھی گئی ہے۔ تاہم اس کے باوجود بھاؤ تاؤ کا سلسلہ جاری ہے۔ گزشتہ سال 70 سے 80 ہزار روپے میں فروخت ہونے والا بکرا اس سال ایک لاکھ 25 ہزار روپے تک جا پہنچا ہے، جبکہ بڑے بکرے کی قیمت دو سے اڑھائی لاکھ روپے تک ہے۔ گائے کی قیمت بھی دو سے اڑھائی لاکھ کے بجائے چار سے پانچ لاکھ روپے تک پہنچ گئی ہے، جس پر خریدار پریشان دکھائی دیتے ہیں۔ دوسری جانب بیوپاریوں کا کہنا ہے کہ مہنگائی، پٹرول، ڈیزل اور دیگر اخراجات میں اضافے کے باعث اس بار جانور مہنگے ہیں جبکہ خریدار کم ریٹ لگانے کی کوشش کر رہے ہیں۔

مصنوعی ذہانت: آج کا جن، کل کا آسیب

WebDesk — Mon, 25 May 2026 13:24:28 +0500

یہ 80 کی دہائی کا آغاز اور 70 کی دہائی کے اختتام کا سنگم ہے، ہم نے اپنے ڈراؤنے خواب کے قصے ماں کو سنائے۔ ماں بلبلا اٹھی، نانا کو بتایا۔ اب نانا اپنے گھر پر عشا کے بعد تلاوت کرتے، دعائیں کرتے۔ ہمیں یقین ہوتا کہ اب خواب نہیں آئیں گے اور سچی بات تو یہ ہے کہ خواب نہیں آئے۔ آج کے زمانے کا آسیب مصنوعی ذہانت ہے۔ ایک طرف سائنس اور ٹیکنالوجی ہماری صلاحیتوں کو نئی بلندیوں پر لے جارہی ہے تو دوسری طرف وہی ٹیکنالوجی ہماری سب سے قیمتی چیز یعنی ہمارے ذہن کی آزادی کو خطرے میں ڈال رہی ہے۔ مصنوعی ذہانت تیزی سے ہماری سوچ، فیصلوں اور ادراک پر اثر انداز ہو رہی ہے۔ الجھن اور اذیت یہ ہے کہ کیا ہم اپنے ذہن کی خودمختاری کو بچا پائیں گے یا یہ نئی آسیب نما طاقتور مصنوعی ذہانت سے لیس ٹیکنالوجی آہستہ آہستہ ہماری سوچ پر قبضہ کرلے گی؟ ہم اور ہمارے ہوش پر علمی قبضہ تیز رفتار ہوتے ہوئے قدموں کی لمبائی کے ساتھ افقی اور عمودی دونوں سمت بڑھ رہا ہے۔ انسانی ذہن اللہ کا سب سے بڑا تحفہ ہے۔ ہماری سوچ، ہماری کہانیاں، ہمارے اخلاقی فیصلے اور ہماری انفرادی حقیقت یہ سب ہماری ذاتی ملکیت ہیں۔ اگر ہم انہیں مشینوں کے حوالے کردیں تو نہ صرف ہماری تخلیقی صلاحیت متاثر ہوگی بلکہ ہماری انسانیت بھی کمزور پڑ جائے گی۔ مصنوعی ذہانت ضرور استعمال کریں لیکن ہر اہم مرحلے پر انسان کو فیصلے کے دائرے میں رکھیں تاکہ وہ اپنا تجربہ، فطری بصیرت اور الہام کو فیصلے کی گفتگو میں شامل کرسکے۔ مصنوعی ذہانت کی تجاویز کو آنکھیں بند کرکے قبول نہ کیا جائے بلکہ ان کی منطق پر سوال اٹھایا جائے اور انسانی علم سے ان کا تقابل لازمی کیا جائے۔ مشاہدات خالص ہوں، سچے ہوں، درست ہوں، حقیقی وقت میں قلمبند کیے گئے ہوں، یعنی ڈیٹا شفاف اور درست ہو تاکہ حقیقت باہر آئے، الجھن یا آلودگی نہیں۔ مصنوعی ذہانت ہمیشہ استعمال کریں، اس سے بھرپور فائدہ اٹھائیں، مگر اپنی سوچ کی خودمختاری کبھی نہ چھوڑیں۔ ہماری کہانی، ہمارا درد اور ہمارا انسان ہونا اہم ہے۔ یاد رکھیے، آخری کہانی خود لکھیں اور تشریح انسان کو ہی کرنے دیں۔ نوٹ: ایکسپریس نیوز اور اس کی پالیسی کا اس بلاگر کے خیالات سے متفق ہونا ضروری نہیں۔ اگر آپ بھی ہمارے لیے اردو بلاگ لکھنا چاہتے ہیں تو قلم اٹھائیے اور 800 سے 1,200 الفاظ پر مشتمل تحریر اپنی تصویر، مکمل نام، فون نمبر، فیس بک اور ٹوئٹر آئی ڈیز اور اپنے مختصر مگر جامع تعارف کے ساتھ blog@express.com.pk پر ای میل کردیجیے۔

’مسجد میں سب کو برابر دیکھا‘، تھلاپتی وجے کے ساتھی اداکار نے اسلام قبول کرلیا

WebDesk — Mon, 25 May 2026 13:24:23 +0500

بھارت کی تامل فلم انڈسٹری کے معروف اداکار جے نے اسلام قبول کرنے کے اپنے فیصلے کے بارے میں بات کرتے ہوئے کہا ہے کہ مسجد میں جا کر پہلی بار انہیں حقیقی معنوں میں احساس ہوا کہ وہاں سب انسان برابر ہیں۔ ایک حالیہ انٹرویو میں گفتگو کرتے ہوئے اداکار جے نے بتایا کہ انہوں نے 2019 میں اسلام قبول کرنے کی باضابطہ تصدیق کی تھی، تاہم روحانی طور پر وہ 2011 سے اس طرف مائل ہونا شروع ہوگئے تھے۔ ان کے مطابق یہ فیصلہ کسی ایک لمحے کا نہیں بلکہ ذاتی تجربات اور اندرونی سکون کی تلاش کا نتیجہ تھا۔ اداکار نے بتایا کہ ابتدا میں وہ مختلف مذہبی تجربات سے گزرے، جن میں سبری مالا کے لیے مالا پہننا اور پھر ایک عرصے تک عیسائیت کی طرف رجحان بھی شامل تھا۔ ان کا کہنا تھا کہ بعد ازاں مندروں میں پیش آنے والے بعض رویوں اور حالات نے انہیں مایوس کیا، جس نے ان کے اندر سوالات کو مزید بڑھا دیا۔ View this post on Instagram جے نے مسجد کے اپنے پہلے تجربے کو یاد کرتے ہوئے کہا کہ وہاں وہ ایک عام نمازی کی طرح صف میں کھڑے ہو کر نماز ادا کر رہے تھے۔ ان کے مطابق لوگوں کو معلوم تھا کہ وہ ایک اداکار ہیں، لیکن مسجد کے اندر کسی نے ان سے بات نہیں کی اور نہ ہی کسی نے غیر ضروری توجہ دی، جبکہ باہر آنے کے بعد لوگوں نے انتہائی شائستگی سے ملاقات کی اور تصویر لینے کی کوشش بھی نہیں کی۔ انہوں نے کہا کہ اسی تجربے نے انہیں شدت سے یہ احساس دیا کہ مسجد میں سب برابر ہیں، اور یہ احساس ان کے دل پر گہرا اثر چھوڑ گیا۔ ان کے مطابق اسلام میں عبادت کے دوران ہر شخص صرف اللہ کے سامنے جھکتا ہے، چاہے وہ کتنا ہی بڑا یا مشہور کیوں نہ ہو، کسی کو کوئی برتری حاصل نہیں ہوتی۔ اداکار جے نے مزید کہا کہ مسجد کا ماحول ان کے لیے بالکل نیا تجربہ تھا جہاں نہ جلد بازی ہے، نہ غیر ضروری دباؤ، اور انسان اپنی عبادت اپنی مرضی سے کر سکتا ہے۔ ان کا کہنا تھا کہ اسلام قبول کرنے کے بعد ان کی سوچ اور شخصیت میں نمایاں تبدیلی آئی ہے۔ واضح رہے کہ اداکار جے نے اپنے فلمی کیریئر کا آغاز 2002 میں اس وقت کے ابھرتے ہوئے اداکار اور موجودہ وزیراعلیٰ تامل ناڈو تھلاپتی وجے کے ساتھ فلم سے کیا تھا۔

ساحل عدیل کو گرفتاری کا خدشہ، حفاظتی ضمانت لینے عدالت پہنچ گئے

WebDesk — Mon, 25 May 2026 13:24:17 +0500

معروف یوٹیوبر ساحل عدیم گرفتاری کے خدشے کے پیش نظر حفاظتی ضمانت کے لیے اسلام آباد ہائیکورٹ پہنچ گئے۔ ساحل عدیم نے عدالت میں حفاظتی ضمانت کی درخواست دائر کرتے ہوئے مؤقف اختیار کیا ہے کہ انہیں مختلف مقدمات میں گرفتاری کا خدشہ ہے۔ درخواست میں استدعا کی گئی ہے کہ کیس کی سماعت آج ہی کی جائے اور انہیں گرفتاری سے تحفظ فراہم کیا جائے۔ ذرائع کے مطابق ساحل عدیم کے خلاف کراچی سمیت ملک کے دیگر شہروں میں مقدمات درج ہیں تاہم ان مقدمات میں اُن پر عائد الزامات کی تفصیل سامنے نہیں آسکی۔ خیال رہے کہ ساحل عدیم سوشل میڈیا پلیٹ فارمز پر اکثر مذہبی موضوعات پر گفتگو کرتے نظر آتے ہیں اور انکی ویڈیوز نوجوانوں میں خاصی مقبول ہوتی ہیں۔

خدا کیلیے اپنے بال قربان کرنا بند کریں، علیزے شاہ کی پوسٹ نے نئی بحث چھیڑ دی

WebDesk — Mon, 25 May 2026 13:24:12 +0500

اداکارہ علیزے شاہ نے حال ہی میں سوشل میڈیا پر مختصر بالوں کے بڑھتے ہوئے ٹرینڈ پر اپنی رائے دے کر نئی بحث چھیڑ دی۔ پاکستانی شوبز انڈسٹری میں شارٹ ہیئر اسٹائل کا رجحان گزشتہ کچھ عرصے سے تیزی سے مقبول ہوا ہے، جس میں ہانیہ عامر، صحیفہ جبار، سجل علی اور صبور علی جیسی اداکارائیں نمایاں نظر آئیں۔ ماضی میں خود باب کٹ رکھنے والی علیزے شاہ نے انسٹاگرام اسٹوری کے ذریعے مداحوں کو خبردار کرتے ہوئے کہا کہ اداکاراؤں سے متاثر ہو کر بال نہ کٹوائیں کیونکہ شوبز شخصیات اکثر وگ یا ہیئر ایکسٹینشن استعمال کرتی ہیں، جبکہ عام لوگوں کو دوبارہ لمبے بال حاصل کرنے میں کئی سال لگ سکتے ہیں۔ اداکارہ نے یہاں تک کہا کہ بہت چھوٹے بال کٹوانا ’خود کو نقصان پہنچانے‘ کے مترادف ہو سکتا ہے۔ ان کے بیان کے بعد سوشل میڈیا پر ملا جلا ردعمل سامنے آیا۔ بعض صارفین نے یاد دلایا کہ یہی ٹرینڈ خود علیزے شاہ نے مقبول بنایا تھا جبکہ کچھ نے ان کے مشورے کو مثبت قرار دیا۔ کئی افراد نے انہیں تنقید کا نشانہ بھی بنایا اور مبینہ کاسمیٹک سرجریز کا حوالہ دیتے ہوئے طنزیہ تبصرے کیے۔

بجلی کے بلز پر کیو آر کوڈ کے ذریعے سبسڈی کیسے حاصل کریں؟ طریقہ جانیے!

WebDesk — Mon, 25 May 2026 13:24:06 +0500

حکومت کی جانب سے بجلی کے بلوں میں اصل حق دار صارفین کے لیے سبسڈی کا نیا طریقہ وضع کیا گیا ہے، جس میں بل پر کیو آر کوڈ کے ذریعے ریلیف حاصل کیا جا سکتا ہے۔ اس سلسلے میں پنجاب حکومت نے 200 یونٹ تک بجلی استعمال کرنے والے صارفین کے لیے بلوں پر ’کیو آر کوڈ‘ متعارف کروا کر سبسڈی کے حصول کا عمل مکمل طور پر ڈیجیٹل کر دیا ہے۔ حکومتِ پنجاب نے وفاقی سطح پر جاری ’کراس سبسڈی پروگرام 2026‘ کو موثر بنانے کے لیے بجلی کے بلوں پر کیو آر کوڈ پرنٹ کرنا شروع کیے ہیں۔ اس اقدام کا بنیادی مقصد سبسڈی کے نظام میں شفافیت لانا ہے تاکہ غلط فائدہ اٹھانے والوں کے بجائے ریلیف صرف اصل حق دار اور کم آمدن والے خاندانوں تک پہنچ سکے۔ پاور ڈویژن کے حکام نے بیان میں کہا ہے کہ اس نئی مہم سے ایک ہی گھر میں متعدد میٹرز کے ذریعے سبسڈی لینے کے رجحان کی حوصلہ شکنی ہوگی۔ یہ سہولت بنیادی طور پر بے نظیر انکم سپورٹ پروگرام کے مستحقین، یومیہ اجرت پر کام کرنے والوں اور ماہانہ 200 یونٹ سے کم بجلی استعمال کرنے والوں کے لیے ہے۔ رجسٹریشن کے عمل کو آسان بناتے ہوئے حکومت نے صارفین کو ہدایت کی ہے کہ وہ اپنے بل پر موجود کیو آر کوڈ کو اسکین کر کے آفیشل پورٹل پر جائیں۔ اس پورٹل پر 14 ہندسوں کا ریفرنس نمبر اور شناختی کارڈ درج کرنے کے بعد ون ٹائم پاس ورڈ (OTP) کے ذریعے تصدیقی عمل فوری مکمل کیا جا سکتا ہے۔ جن شہریوں کے پاس اسمارٹ فون کی سہولت نہیں یا وہ ٹیکنالوجی سے نابلد ہیں، ان کی معاونت کے لیے ضلعی انتظامیہ اور یونین کونسل کی سطح پر خصوصی ڈیجیٹل ڈیسک اور ہیلپ کیمپ قائم کیے گئے ہیں۔ صارفین کو مشورہ دیا گیا ہے کہ بل پر موجود نام اور شناختی کارڈ کی تفصیلات میں مماثلت کو یقینی بنائیں تاکہ ریلیف کے حصول میں کوئی رکاوٹ نہ آئے۔ علاوہ ازیں صارفین کو یہ سہولت بھی دستیاب ہوگی کہ اگر وہ کوڈ اسکین نہ کر سکیں تو ڈائریکٹ حکومت کے کراس سبسڈی پروگرام رجسٹریشن کی آفیشل ویب سائٹ پر اپنی معلومات درج کرکے رجسٹرڈ ہو سکتے ہیں۔

فیفا ورلڈکپ: ویزا مسائل کے سبب ایران کا بیس کیمپ امریکا سے میکسیکو منتقل

WebDesk — Mon, 25 May 2026 13:24:00 +0500

فیفا ورلڈکپ کے دوران ویزا مسائل پر ایرانی فٹبال ٹیم نے اپنا ٹریننگ بیس کیمپ امریکا سے میکسیکو منتقل کردیا۔ تفصیلات کے مطابق ایرانی پلیئرز اب امریکی شہر ٹکسن، ایریزونا کی بجائے میکسیکن شہر تیجوانا میں ٹریننگ کریں گے جس کی فیفا نے بھی منظوری دے دی ہے۔ ایرانی فٹبال فیڈریشن کے صدر تاج مہدی کے مطابق ویزا مسائل کے باعث امریکا کے بجائے میکسیکو میں قیام کا فیصلہ کیا گیا ہے۔ انہوں نے کہا کہ تیجوانا لاس اینجلس کے قریب ہے جہاں ایران اپنے ابتدائی 2 گروپ میچز کھیلے گا، اس طرح سفر کا دورانیہ بھی کم ہو جائے گا۔ ایران کو گروپ جی میں نیوزی لینڈ، بیلجیم اور مصر کے چیلنج کا سامنا رہے گا۔ ایران کا پہلا میچ 15 جون کو نیوزی لینڈ کے خلاف شیڈول ہے۔ فیڈریشن حکام نے خدشہ ظاہر کیا تھا کہ تمام کھلاڑیوں اور آفیشلز کو امریکی ویزے بروقت نہیں مل سکیں گے تاہم فیفا کے صدر گیانی انفانٹینو نے گزشتہ ماہ واضح کیا تھا کہ ایران شیڈول کے مطابق امریکا میں اپنے ورلڈ کپ میچز ضرور کھیلے گا۔

لاہور: شہریوں سے لوٹ مار کرنے والا جعلی کسٹم اہلکار گرفتار

WebDesk — Mon, 25 May 2026 13:24:00 +0500

خود کو کسٹم افسر ظاہر کر کے شہریوں سے نوسربازی اور لوٹ مار کرنے والے جعلی اہلکار گرفتار کر لیا گیا۔ ایس پی کینٹ کی ہدایت پر ایس ایچ او سرور روڈ رانا عرفان نے پولیس ٹیم کے ہمراہ فوری کارروائی کرتے ہوئے ملزم کو گرفتار کیا۔ پولیس کے مطابق گرفتار ملزم ارسلان علی شہریوں کو خود کو کسٹم افسر ظاہر کر کے دھوکا دیتا اور ان سے لاکھوں روپے ہتھیا چکا تھا۔ ملزم ماضی میں بھی ریکارڈ یافتہ ہے۔ ایس پی کینٹ کے مطابق دورانِ تفتیش ملزم سے شناخت طلب کی گئی، تاہم وہ پولیس کو زیادہ دیر تک چکمہ نہ دے سکا اور گرفتار کر لیا گیا۔ گرفتار ملزم کے خلاف مقدمہ درج کر کے مزید تفتیش کے لیے انویسٹی گیشن ونگ کے حوالے کر دیا گیا ہے۔ ایس پی کینٹ اختر نواز نے کارروائی میں حصہ لینے والی پولیس ٹیم کو شاباش دیتے ہوئے کہا کہ محکمہ پولیس کی بدنامی کا سبب بننے والے عناصر کسی رعایت کے مستحق نہیں۔

دیر لوئر کے گھنے جنگلات میں لگی آگ بے قابو ہوگئی

WebDesk — Mon, 25 May 2026 13:23:54 +0500

دیر لوئر کے علاقے تالاش، سرائے بالا اور برچڑئی کے گھنے جنگلات میں لگی آگ بے قابو ہوگئی۔ ریسکیو ذرائع کے مطابق آگ تیسرے روز بھی تیزی سے پھیل رہی ہے جس کے باعث جنگلات اور جنگلی حیات کو شدید نقصان پہنچا ہے جبکہ آگ پر مکمل قابو نہیں پایا جا سکا۔ ریسکیو آپریشن میں ریسکیو 1122، محکمہ جنگلات، سول ڈیفنس اور دیگر متعلقہ اداروں کے اہلکاروں کے ساتھ مقامی رضاکار بھی بھرپور حصہ لے رہے ہیں۔ ریسکیو حکام کا کہنا ہے کہ تیز ہواؤں، شدید گرمی، بھڑکتے شعلوں اور دشوار گزار راستوں کے باعث امدادی کارروائیوں میں مشکلات کا سامنا ہے، تاہم ٹیمیں مسلسل آگ پر قابو پانے کی کوششوں میں مصروف ہیں۔

کوئٹہ دھماکا؛ ریلوے اسٹیشنز اور حساس تنصیبات پر سیکیورٹی سخت، کمانڈوز تعینات کرنے کا فیصلہ

WebDesk — Mon, 25 May 2026 13:23:49 +0500

کوئٹہ دھماکے کے بعد ریلوے پولیس نے ملک بھر میں سیکیورٹی انتظامات کو انتہائی سخت کر دیا ہے۔ ترجمان ریلوے پولیس کے مطابق کوئٹہ بم دھماکے کے تناظر میں تمام ریلوے پولیس اہلکاروں کو ہائی الرٹ رہنے کی ہدایات جاری کر دی گئی ہیں، جس میں کہا گیا ہے کہ ریلوے حدود میں واقع مساجد، امام بارگاہوں، عیدگاہوں، مزارات اور دیگر مذہبی مقامات کی فول پروف سیکیورٹی یقینی بنائی جائے۔ اسی طرح حساس مذہبی مقامات اور عید اجتماعات پر اضافی ریلوے پولیس نفری تعینات کرنے کی بھی ہدایات جاری کی گئی ہیں۔ انہوں نے مزید کہا کہ ریلوے ٹریک، مسافر و مال گاڑیوں، اہم تنصیبات، ریلوے یارڈز، اسٹورز، ورکشاپس اور دفاتر کی سیکیورٹی مزید سخت کی جا رہی ہے۔ ریلوے اسٹیشنز، پلوں، ٹریکس اور حساس مقامات پر باقاعدہ سرچ، سویپ اور گشت کا انعقاد کیا جائے گا۔ علاوہ ازیں ٹرینوں اور ریلوے اسٹیشنز پر تربیت یافتہ اور مسلح کمانڈوز تعینات کیے جائیں۔ ترجمان کے مطابق ریلوے انتظامیہ، ضلعی پولیس، انٹیلی جنس اداروں، ریسکیو سروسز اور بم ڈسپوزل اسکواڈ کے ساتھ قریبی رابطہ رکھنے کی ہدایات جاری کی گئی ہیں۔ اس دوران مشکوک افراد، سامان، گاڑیوں اور لاوارث اشیا کی سخت چیکنگ اور نگرانی کی جائے گی۔ سی سی ٹی وی کیمروں، انٹیلی جنس بیسڈ نگرانی اور داخلی و خارجی راستوں کی مؤثر مانیٹرنگ کو یقینی بنایا جا رہا ہے۔ ریلوے حکام نے ہدایات جاری کی ہیں کہ تمام سیکیورٹی ڈیوٹیوں، نفری کی تعیناتی اور ذمہ داریوں پر مشتمل جامع سکیورٹی پلان تیار کر کے فوری متعلقہ دفتر کو ارسال کیا جائے۔ یہ اقدامات کسی بھی ناخوشگوار واقعے سے بچنے اور مسافروں کے تحفظ کو یقینی بنانے کے لیے اٹھائے گئے ہیں تاکہ ریلوے نیٹ ورک کو محفوظ بنایا جا سکے۔

خیبر پختونخوا کے میدانی اور بالائی سرد اضلاع کے تعلیمی اداروں میں تعطیلات کا اعلامیہ جاری

WebDesk — Mon, 25 May 2026 13:23:43 +0500

پشاور: محکمہ تعلیم خیبر پختونخوا نے میدانی اور بالائی سرد اضلاع کے تعلیمی اداروں میں موسمِ گرما کی تعطیلات کا اعلامیہ جاری کر دیا۔ اعلامیے کے مطابق میدانی علاقوں کے پرائمری اسکولوں میں تعطیلات یکم جون سے 31 اگست 2026 تک ہوں گی، جبکہ مڈل، ہائی اور ہائر سیکنڈری اسکولوں میں چھٹیاں 15 جون سے 16 اگست 2026 تک ہوں گی۔ محکمہ تعلیم کے مطابق اسی طرح صوبے کے سرد ترین پہاڑی علاقوں میں تعلیمی ادارے یکم جولائی سے 31 جولائی 2026 تک بند رہیں گے۔

کوئٹہ: ٹرین کے قریب دھماکا، 30 افراد شہید

WebDesk — Mon, 25 May 2026 13:23:27 +0500

کوئٹہ (بیورورپورٹ)بلوچستان میں ٹرین کے قریب دھماکہ،30افرادشہید،50سے زائدزخمی ہوگئے۔تفصیل کے مطابق صوبہ بلوچستان کے دارالحکومت کوئٹہ میں ایک اعلیٰ سرکاری عہدے دار نے بتایا کہ مسافر ٹرین کے قریب دھماکے میں کم از کم 30 افرادشہید جبکہ 50 سے زائد زخمی ہو گئے۔ شہدامیں سکیورٹی اہلکار شامل ہیں۔ دھماکے سے ٹرین کی متعدد بوگیاں پٹڑی سے اتر گئیں۔ دھماکا اتنا شدید تھا کہ آواز شہر بھر میں سنی گئی جبکہ قرب و جوار میں عمارتوں کے شیشے ٹوٹ گئے۔ریلوے حکام کے مطابق کوئٹہ کینٹ سے آنے والی شٹل ٹرین چمن پھاٹک کے قریب دھماکے کی زد میں آئی، جس کے نتیجے میں انجن سمیت تین کوچز پٹڑی سے اتر گئیں۔عینی شاہدین کا کہنا ہے کہ پھاٹک کے قریب پہلے سے ایک گاڑی کھڑی ہوئی تھی لیکن جیسے ہی ٹرین پھاٹک کے قریب پہنچی تو اس دوران دھماکا ہوگیا جس کے باعث ٹرین کے انجن کو بھی شدید نقصان پہنچا۔معاون وزیر اعلیٰ بلوچستان شاہد رند کے مطابق دھماکے میں شہادتوں کی تعداد 14 ہوگئی، شہداء میں ایف سی کے 3 جوان بھی شامل ہیں۔ زخمیوں کو ہسپتال منتقل کر دیا گیا۔شاہد رند کا کہنا تھا کہ دہشت گردوں نے نہتے شہریوں کو نشانہ بنایا، حملہ امن دشمن عناصر کی بزدلانہ کارروائی ہے، عوامی مقامات کو نشانہ بنانا دہشت گردوں کی بوکھلاہٹ کا ثبوت ہے، شہداء کی قربانی رائیگاں نہیں جائے گی۔سول ہسپتال ٹراما سینٹر میں ایمرجنسی نافذ کر دی گئی، زخمیوں میں خواتین اور بچے بھی شامل ہیں جنہیں ہسپتال منتقل کر دیا گیا۔ریلوے حکام کے مطابق ٹرین گزرتے وقت ہوا ہے، ٹرین میں سوار مسافر عید کے چھٹیاں منانے اپنے گھروں کو جا رہے تھے۔سکیورٹی فورسز نے فوری طور پر علاقے کو گھیرے میں لے کر ریسکیو آپریشن شروع کر دیا، امدادی کارروائیوں کے لیے ریسکیو ٹرک اور ریلیف ٹرین جائے وقوعہ پر روانہ کر دی گئیں۔ دھماکے کے بعد جائے وقوعہ پر آگ بھی لگی، فائر بریگیڈ کے عملے آگ بجھا دی۔معاون وزیر اعلیٰ بلوچستان شاہد رند کے مطابق دھماکے میں شہادتوں کی تعداد 14 ہوگئی، شہداء میں ایف سی کے 3 جوان بھی شامل ہیں۔سول اسپتال ٹراما سینٹر میں ایمرجنسی نافذ کر دی گئی، زخمیوں میں خواتین اور بچے بھی شامل ہیں جنہیں ہسپتال منتقل کر دیا گیا۔معاون خصوصی برائے داخلہ بلوچستان بابر یوسفزئی کا کہنا تھا کہ واقعے کی معلومات حاصل کر رہے ہیں، جیسے ہی مزید تفصیلات ملیں گی میڈیا کو آگاہ کیا جائے گا، تمام متعلقہ اداروں کو الرٹ کر دیا گیا ہے۔وزیراعظم شہباز شریف، صدر مملکت آصف علی زرداری، وفاقی وزیر برائے سائنس و ٹیکنالوجی، چیئرپرسن بے نظیر انکم سپورٹ پروگرام سینیٹر روبینہ خالد، وزیراعلیٰ خیبرپختونخوا محمد سہیل آفریدی، گورنر کے پی فیصل کریم کنڈی سمیت دیگر وزراء اور سیاسی رہنماوں نے دھماکے کی مذمت کی۔وفاقی وزیر ریلوے محمد حنیف عباسی نے کوئٹہ میں ہونے والے دھماکے کی شدید مذمت کرتے ہوئے کہا ہے کہ واقعہ بزدلانہ دہشت گردی، ایسے حملے قومی عزم کو کمزور نہیں کر سکتے۔وزیراعلیٰ بلوچستان میر سرفراز بگٹی نے دھماکے کی مذمت کرتے ہوئے کہا کہ فتنۃ الہندوستان کے دہشت گرد معصوم شہریوں کو نشانہ بنا کر درندگی کا ثبوت دے رہے ہیں۔وزیراعلیٰ سندھ سید مراد علی شاہ نے کوئٹہ میں چمن پھاٹک کے قریب ٹرین دھماکے پر گہرے دکھ اور افسوس کا اظہار کیا۔بعدازاںوفاقی وزیرداخلہ محسن نقوی اور وزیر اعلیٰ بلوچستان میر سرفراز بگٹی کی زیر صدارت خصوصی اجلاس ہوا جس میں آئی جی بلوچستان پولیس نے کوئٹہ چمن پھاٹک کے قریب دھماکے کی ابتدائی رپورٹ پیش کی۔اجلاس میں معصوم لوگوں پر بزدلانہ حملے کی پرزور مذمت کی گئی اور شہداء کے خاندانوں سے دلی ہمدردی و اظہار تعزیت کیا گیا۔وزیر داخلہ محسن نقوی نے کہا کہ وفاقی حکومت دکھ کی گھڑی میں بلوچستان حکومت کے ساتھ کھڑی ہے، درندوں نے معصوم لوگوں کو نشانہ بنا کر بدترین سفاکیت کا مظاہرہ کیا۔ شہداء کی عظیم قربانیوں کو ہمیشہ یاد رکھا جائے گا۔وزیراعلیٰ نے کہا کہ شہداء کے خاندانوں کو تنہا نہیں چھوڑیں گے، زخمیوں کے بہتر علاج معالجے کی خود نگرانی کر رہا ہوں۔آئی جی بلوچستان پولیس اور قانون نافذ کرنے والے اداروں کے افسران نے اجلاس میں شرکت کی۔
علیحدگی پسند کالعدم تنظیم بلوچ لبریشن آرمی (بی ایل اے) نے ایک بیان میں حملے کی ذمہ داری قبول کرنے کا دعویٰ کیا ہے۔

The post کوئٹہ: ٹرین کے قریب دھماکا، 30 افراد شہید first appeared on Daily Qaum.

پاکستان اسٹاک ایکسچینج میں ریکارڈ آئی پی او سبسکرپشن، نئی کمپنیوں کی لسٹنگ پر زور

WebDesk — Mon, 25 May 2026 13:23:25 +0500

کراچی: سروس لانگ مارچ ٹائرز کے 75 فیصد شیئرز پر مشتمل 5.8 ارب روپے مالیت کے ابتدائی عوامی شیئرز چند سیکنڈز میں مکمل سبسکرائب ہونے کے بعد ماہرین نے پاکستان اسٹاک ایکسچینج (PSX) میں مزید کمپنیوں کی لسٹنگ کو ملکی معیشت کے لیے ناگزیر قرار دے دیا ہے۔
ماہرین کے مطابق غیر معمولی سرمایہ کار دلچسپی اس بات کا واضح ثبوت ہے کہ پاکستان میں معیاری کارپوریٹ سرمایہ کاری کی بھرپور طلب موجود ہے، جسے بروئے کار لا کر معیشت کو نجی شعبے کی قیادت میں مضبوط بنیادوں پر استوار کیا جا سکتا ہے۔
رپورٹ کے مطابق نئی کمپنیوں کی اسٹاک مارکیٹ میں شمولیت سے معیشت میں دستاویزی نظام کو فروغ، شفافیت میں اضافہ اور ٹیکس نیٹ کی توسیع ممکن ہو سکتی ہے۔ پبلک لسٹڈ کمپنیاں اپنے مالیاتی ریکارڈ عوام اور ریگولیٹری اداروں کے سامنے پیش کرنے کی پابند ہوتی ہیں، جس سے غیر دستاویزی کاروبار اور ٹیکس چوری کے رجحانات میں کمی آتی ہے۔
ماہرین کا کہنا ہے کہ آئی پی او پراسپیکٹس کے سخت قواعد سرمایہ کاروں کو کمپنی کی مالی صورتحال، خطرات اور کاروباری حکمت عملی سے متعلق جامع معلومات فراہم کرتے ہیں، جو عام طور پر نجی کاروباروں میں دستیاب نہیں ہوتیں۔
مزید کہا گیا ہے کہ لسٹڈ کمپنیاں خاندانی یا فرد واحد پر مبنی نظام سے نکل کر پیشہ ورانہ اور خودمختار بورڈز کی طرف بڑھتی ہیں، جس سے کارپوریٹ گورننس مضبوط اور ادارے زیادہ پائیدار بنتے ہیں۔
ماہرین نے ماضی میں دی گئی ٹیکس مراعات کی بحالی کی سفارش بھی کی ہے، ان کے مطابق پہلے آئی پی اوز اور سرمایہ کاروں کو دی گئی سہولیات نے مارکیٹ میں سرمایہ کاری کو فروغ دیا تھا، اس لیے ایسی مراعات دوبارہ متعارف کرانا ضروری ہے۔
رپورٹ میں مزید کہا گیا ہے کہ مضبوط ایکویٹی مارکیٹ سرمایہ کو غیر پیداواری شعبوں سے نکال کر صنعتی اور پیداواری سرگرمیوں کی طرف منتقل کر سکتی ہے، جس سے معیشت میں شفافیت، مقابلہ اور روزگار کے مواقع بڑھیں گے۔
ماہرین کے مطابق چھوٹے اور درمیانے کاروبار کے لیے گروتھ انٹرپرائز مارکیٹ بورڈ اہم پلیٹ فارم ثابت ہو سکتا ہے، جہاں سے وہ ترقی کرتے ہوئے مرکزی مارکیٹ تک رسائی حاصل کر سکتے ہیں۔
رپورٹ میں یہ بھی کہا گیا ہے کہ اسٹاک مارکیٹ میں کمپنیوں کی تعداد بڑھنے سے مارکیٹ کا حجم اور شعبہ جاتی تنوع بڑھے گا، جس سے اتار چڑھاؤ اور مارکیٹ میں ہیرا پھیری کے امکانات کم ہوں گے اور غیر ملکی سرمایہ کاروں کا اعتماد بھی بحال ہوگا۔
ماہرین کا کہنا ہے کہ صرف آئی پی اوز کی خواہش کافی نہیں، بلکہ اس کے لیے معاشی استحکام، مستقل پالیسیوں، ٹیکس اصلاحات، ڈیجیٹلائزیشن اور ٹیکس چوری و اسمگلنگ کے خلاف سخت اقدامات بھی ناگزیر ہیں۔

The post پاکستان اسٹاک ایکسچینج میں ریکارڈ آئی پی او سبسکرپشن، نئی کمپنیوں کی لسٹنگ پر زور first appeared on Daily Qaum.

نئی پاکستانی ایئرلائن ساؤتھ ایئر کی ٹیسٹ فلائٹ کا آغاز آج سے

WebDesk — Mon, 25 May 2026 13:23:24 +0500

کراچی: پاکستان کی نئی ایئرلائن ساؤتھ ایئر آج سے اپنی ٹیسٹ فلائٹ آپریشنز کا آغاز کرے گی۔
تفصیلات کے مطابق ساؤتھ ایئر کی پہلی ٹیسٹ فلائٹ آج کراچی سے گوادر کے لیے روانہ ہوگی، جس کے بعد پرواز کوئٹہ پہنچے گی۔ ایئرلائن اپنی سروسز کے لیے اے ٹی آر طرز کے طیارے استعمال کرے گی۔
ایئرلائن نے سول ایوی ایشن اتھارٹی سے سیاحت کے فروغ کے لیے ٹی پی آر آئی لائسنس حاصل کر لیا ہے۔
ساؤتھ ایئر کی جانب سے اعلان کیا گیا ہے کہ وہ ملک کے مختلف ریجنل ایئرپورٹس کو آپس میں منسلک کرنے کے لیے پروازیں شروع کرے گی تاکہ مسافروں کو بہتر سفری سہولت فراہم کی جا سکے۔
ابتدائی مرحلے میں ایئرلائن ملتان، گوادر، تربت، کوئٹہ، کراچی، سکھر اور رحیم یار خان سمیت مختلف شہروں کے ایئرپورٹس کو آپس میں جوڑے گی۔
مزید بتایا گیا ہے کہ ایئرلائن انتظامیہ نے سول ایوی ایشن سے آر پی ٹی لائسنس کے حصول کے لیے بھی درخواست جمع کرا دی ہے۔

The post نئی پاکستانی ایئرلائن ساؤتھ ایئر کی ٹیسٹ فلائٹ کا آغاز آج سے first appeared on Daily Qaum.

امریکا ایران ممکنہ مذاکرات کی امیدوں سے عالمی منڈی میں خام تیل کی قیمتیں کم

WebDesk — Mon, 25 May 2026 13:23:23 +0500

عالمی منڈی میں خام تیل کی قیمتوں میں نمایاں کمی ریکارڈ کی گئی ہے، جس کی وجہ ایران اور امریکا کے درمیان ممکنہ معاہدے سے متعلق بڑھتی ہوئی توقعات کو قرار دیا جا رہا ہے۔
بین الاقوامی میڈیا رپورٹس کے مطابق ایشیائی تجارتی سیشن کے آغاز پر ہی تیل کی قیمتوں میں واضح دباؤ دیکھا گیا، اور برینٹ خام تیل تقریباً 5.1 فیصد کمی کے بعد 98.22 ڈالر فی بیرل تک آ گیا۔
مارکیٹ ماہرین کے مطابق مشرقِ وسطیٰ میں کشیدگی میں کمی اور امریکا و ایران کے درمیان کسی ممکنہ سفارتی پیش رفت کی خبروں نے سرمایہ کاروں کے اعتماد پر اثر ڈالا ہے، جس کے نتیجے میں عالمی سطح پر سپلائی کے خدشات میں کچھ حد تک کمی واقع ہوئی ہے۔
تاہم سابق امریکی صدر ڈونلڈ ٹرمپ نے اپنے بیان میں کہا ہے کہ فوری طور پر کسی معاہدے کے طے پانے کے امکانات زیادہ نہیں ہیں۔ ان کے مطابق متعلقہ ٹیموں کو ہدایت دی گئی ہے کہ کسی بھی ممکنہ ڈیل میں جلد بازی سے گریز کیا جائے۔

The post امریکا ایران ممکنہ مذاکرات کی امیدوں سے عالمی منڈی میں خام تیل کی قیمتیں کم first appeared on Daily Qaum.

پنجاب بھر میں شدید گرمی کی لہر، سورج آگ برسانے لگا

WebDesk — Mon, 25 May 2026 13:23:21 +0500

پنجاب کے تمام شہروں میں گرمی کی شدت برقرار ہے جبکہ محکمہ موسمیات نے آج شام گرد آلود ہوائیں چلنے کا امکان ظاہر کیا ہے۔
صوبائی دارالحکومت لاہور میں صبح سے ہی سورج کی تپش میں اضافہ دیکھا جا رہا ہے، جس کے باعث درجہ حرارت 36 ڈگری سینٹی گریڈ تک پہنچ گیا ہے۔
محکمہ موسمیات کے مطابق لاہور میں آج کم سے کم درجہ حرارت 28 جبکہ زیادہ سے زیادہ 40 ڈگری سینٹی گریڈ تک جانے کا امکان ہے۔
موسمیاتی ماہرین نے پیش گوئی کی ہے کہ عیدالاضحیٰ کے ایام میں موسم زیادہ تر خشک اور گرم رہے گا، جس کے باعث شہریوں کو احتیاطی تدابیر اختیار کرنے کی ہدایت کی گئی ہے۔ ماہرین نے کہا ہے کہ شدید گرمی کے دوران بلا ضرورت گھروں سے باہر نکلنے سے گریز کیا جائے۔
محکمہ موسمیات کے مطابق پنجاب کے دیگر شہروں میں بھی درجہ حرارت میں نمایاں اضافہ متوقع ہے، جس سے حبس کی کیفیت مزید بڑھ سکتی ہے۔

The post پنجاب بھر میں شدید گرمی کی لہر، سورج آگ برسانے لگا first appeared on Daily Qaum.

غزہ میں رات کی تاریکی میں فضائی حملہ، ایک ہی خاندان کے 3 افراد شہید

WebDesk — Mon, 25 May 2026 13:23:20 +0500

غزہ: اسرائیل کی جانب سے غزہ کے وسطی علاقے میں کیے گئے فضائی حملے میں ایک ہی خاندان کے تین افراد شہید ہو گئے، جن میں ماں، باپ اور ان کا چھ ماہ کا شیر خوار بچہ شامل ہے۔
رپورٹ کے مطابق حملہ نصیرات مہاجر کیمپ میں ایک رہائشی اپارٹمنٹ کو نشانہ بنا کر کیا گیا۔ طبی حکام نے شہید ہونے والوں کی شناخت محمد ابو ملوح، ان کی اہلیہ علاء زقلان اور ان کے چھ ماہ کے بچے اسامہ کے نام سے کی ہے۔
عینی شاہدین اور اہل خانہ کے مطابق حملے کے وقت متاثرہ خاندان اپنے گھر میں سو رہا تھا کہ اچانک راکٹ عمارت پر آ گرا، جس کے بعد علاقے میں خوف و ہراس پھیل گیا۔ امدادی ٹیموں نے ملبے سے لاشیں نکالیں۔
بچے کی دادی ام حمزہ ابو ملوح نے روتے ہوئے بتایا کہ ان کا بیٹا اپنی اہلیہ اور کمسن بچے کے ساتھ بستر پر موجود تھا جب حملہ ہوا، جس میں تینوں جان کی بازی ہار گئے جبکہ گھر میں چھ کم سن بچیاں پیچھے رہ گئیں۔
رپورٹ کے مطابق بعد ازاں غزہ کے شمالی علاقے جبالیہ مہاجر کیمپ میں اقوام متحدہ کے زیر انتظام ایک طبی مرکز کے قریب فائرنگ کے ایک اور واقعے میں ایک فلسطینی شہری بھی جاں بحق ہو گیا۔
اہل علاقہ کا کہنا ہے کہ حملے سے قبل کسی قسم کی پیشگی وارننگ جاری نہیں کی گئی، جبکہ حالیہ دنوں میں مختلف علاقوں کے لیے انخلا کے احکامات بھی دیے جا رہے ہیں۔
یاد رہے کہ اکتوبر میں ہونے والی جنگ بندی کے باوجود غزہ میں کشیدگی اور حملوں کا سلسلہ مکمل طور پر ختم نہیں ہو سکا۔ غزہ کے طبی حکام کے مطابق جنگ بندی کے بعد سے اب تک سینکڑوں فلسطینی جان سے جا چکے ہیں۔

The post غزہ میں رات کی تاریکی میں فضائی حملہ، ایک ہی خاندان کے 3 افراد شہید first appeared on Daily Qaum.

فہد مصطفیٰ کا لباس اور شارٹس پر ٹرولنگ کے بعد سخت مؤقف سامنے آ گیا

WebDesk — Mon, 25 May 2026 13:23:18 +0500

پاکستان کے معروف اداکار اور میزبان فہد مصطفیٰ نے کہا ہے کہ انہیں عام سوشل میڈیا ٹرولنگ سے زیادہ تکلیف اس بات پر ہوتی ہے کہ کچھ افراد شوبز شخصیات کو نشانہ بنا کر اپنی کمائی اور کاروبار چلاتے ہیں۔
فہد مصطفیٰ نے حال ہی میں ایک یوٹیوب پروگرام میں شرکت کی، جہاں انہوں نے اپنی مقبولیت، سوشل میڈیا پر ہونے والی تنقید اور اپنے لباس کے انتخاب سمیت مختلف موضوعات پر کھل کر گفتگو کی۔ ان کا کہنا تھا کہ وہ عوامی رائے اور تنقید کو مثبت انداز میں لیتے ہیں اور ہمیشہ کوشش کرتے ہیں کہ اس سے سیکھ کر خود کو بہتر بنایا جائے۔
اداکار نے کہا کہ انہیں اس بات پر افسوس ہوتا ہے جب کچھ لوگ صرف کلک بیٹ اور وائرل مواد بنانے کے لیے تنازعات کو ہوا دیتے ہیں اور شوبز شخصیات کو نشانہ بنا کر اپنے ذاتی مفادات حاصل کرتے ہیں۔ ان کے مطابق ایسے عناصر مسلسل کسی نئے موقع کی تلاش میں رہتے ہیں تاکہ کسی بھی بات کو بڑھا چڑھا کر پیش کیا جا سکے۔
فہد مصطفیٰ نے مزاحیہ انداز میں کہا کہ یہ بھی ایک طرح کی کامیابی ہے کہ آج کل کوئی بھی انٹرویو ان کے ذکر کے بغیر مکمل نہیں ہوتا، اور لوگ مختلف انداز میں ان کے بارے میں بات کرتے ہیں، جو کسی حد تک خوش آئند بات ہے۔
انہوں نے مزید کہا کہ کسی کی مقبولیت پر بلاوجہ منفی ردعمل یا غصہ دکھانا درست رویہ نہیں۔ لباس سے متعلق تنقید پر بات کرتے ہوئے فہد مصطفیٰ نے واضح کیا کہ وہ فیشن کے معاملے میں غیر ضروری سختی نہیں رکھتے، نہ ہی وہ کبھی نامناسب لباس پہنتے ہیں، البتہ وہ منفرد اور فَنکی اسٹائل کے آؤٹ فٹس کو ترجیح دیتے ہیں۔

The post فہد مصطفیٰ کا لباس اور شارٹس پر ٹرولنگ کے بعد سخت مؤقف سامنے آ گیا first appeared on Daily Qaum.

یوٹیوبر ساحل عدیم گرفتاری کے خدشے پر حفاظتی ضمانت کے لیے اسلام آباد ہائیکورٹ پہنچ گئے

WebDesk — Mon, 25 May 2026 13:23:17 +0500

اسلام آباد: معروف یوٹیوبر ساحل عدیم گرفتاری کے خدشے کے پیش نظر حفاظتی ضمانت کے لیے اسلام آباد ہائیکورٹ پہنچ گئے۔
درخواست میں مؤقف اختیار کیا گیا ہے کہ انہیں مختلف مقدمات میں گرفتاری کا خطرہ لاحق ہے، جس کے باعث عدالت سے فوری حفاظتی ضمانت کی استدعا کی گئی ہے۔
ساحل عدیم کی جانب سے دائر درخواست میں کہا گیا ہے کہ کیس کی سماعت آج ہی کی جائے اور انہیں ممکنہ گرفتاری سے تحفظ فراہم کیا جائے۔
ذرائع کے مطابق ساحل عدیم کے خلاف کراچی سمیت ملک کے دیگر شہروں میں مقدمات درج ہیں، تاہم ان مقدمات میں عائد الزامات کی مکمل تفصیلات تاحال سامنے نہیں آ سکیں۔
واضح رہے کہ ساحل عدیم سوشل میڈیا پلیٹ فارمز پر مذہبی موضوعات پر گفتگو کے باعث خاصی پہچان رکھتے ہیں اور ان کی ویڈیوز نوجوانوں میں کافی مقبول ہیں۔

The post یوٹیوبر ساحل عدیم گرفتاری کے خدشے پر حفاظتی ضمانت کے لیے اسلام آباد ہائیکورٹ پہنچ گئے first appeared on Daily Qaum.

ایران کے ساتھ جنگ کے خاتمے سے متعلق معاہدہ فوری طے پانے کا امکان نہیں، وائٹ ہاؤس

WebDesk — Mon, 25 May 2026 13:23:15 +0500

واشنگٹن: وائٹ ہاؤس کے ایک عہدیدار نے کہا ہے کہ ایران کے ساتھ جنگ کے خاتمے سے متعلق معاہدہ فوری طور پر طے پانے کا امکان نہیں ہے، کیونکہ ایرانی قیادت کی جانب سے حتمی منظوری میں مزید کئی روز لگ سکتے ہیں۔
عہدیدار کے مطابق ایران اور امریکا کے درمیان جاری مذاکرات میں پیش رفت ضرور ہوئی ہے، تاہم حتمی معاہدے تک پہنچنے کے لیے مزید بات چیت کی ضرورت ہے۔
دوسری جانب امریکی میڈیا رپورٹس میں دعویٰ کیا گیا ہے کہ ایرانی اور امریکی مذاکرات کار معاہدے کے بنیادی اور وسیع نکات پر پہلے ہی اتفاق کر چکے ہیں۔
رپورٹس کے مطابق امریکی حکام کا یہ بھی ماننا ہے کہ ایرانی سپریم لیڈر مجتبیٰ خامنہ ای نے مجوزہ معاہدے کے ابتدائی خدوخال کی منظوری دے دی ہے۔
تاہم کہا جا رہا ہے کہ اگرچہ دونوں فریق اہم نکات پر متفق ہیں، لیکن باضابطہ دستخط سے قبل حتمی شرائط اور تفصیلات کو طے کرنا باقی ہے۔
اس سے قبل امریکی صدر ڈونلڈ ٹرمپ نے کہا تھا کہ ایران سے متعلق معاہدہ ابھی مکمل طور پر طے نہیں پایا۔ ان کے مطابق یہ معاہدہ سابق صدر باراک اوباما کے دور کے معاہدے سے مختلف ہوگا۔
ٹرمپ نے مزید کہا کہ ابھی تک کسی نے بھی اس معاہدے کی تفصیلات نہیں دیکھی ہیں، اس لیے بغیر معلومات کے تنقید کرنے والوں کی باتوں پر توجہ نہیں دینی چاہیے۔ ان کا کہنا تھا کہ ایران کے حوالے سے مثبت پیش رفت سامنے آئے گی۔

The post ایران کے ساتھ جنگ کے خاتمے سے متعلق معاہدہ فوری طے پانے کا امکان نہیں، وائٹ ہاؤس first appeared on Daily Qaum.

عراق سے پاکستان کے لیے براہِ راست پروازیں دوبارہ بحال

WebDesk — Mon, 25 May 2026 13:23:14 +0500

کراچی: امریکا اور اسرائیل کی جانب سے ایران پر حملوں کے 86 روز بعد عراق سے پاکستان کے لیے براہِ راست پروازوں کا سلسلہ دوبارہ شروع کر دیا گیا ہے۔
عراق ایئر کی پہلی پرواز آئی اے 409 آج صبح 4 بج کر 53 منٹ پر بغداد سے روانہ ہو کر کراچی کے جناح انٹرنیشنل ایئرپورٹ پر لینڈ کر گئی۔
اسی طرح واپسی کی پرواز آئی اے 410 صبح 7 بج کر 14 منٹ پر کراچی سے بغداد کے لیے روانہ ہوئی۔
رپورٹ کے مطابق اس روٹ پر آخری براہِ راست پرواز 28 فروری کو بغداد سے کراچی پہنچی تھی، جبکہ پرواز آئی اے 409 نے آخری بار 15 فروری کو کراچی کا سفر کیا تھا۔
اس سے قبل 2 اور 3 مئی کو بھی ان پروازوں کا شیڈول جاری کیا گیا تھا، تاہم انہیں منسوخ کر دیا گیا تھا۔
عراق ایئر کی جانب سے یہ بھی اعلان کیا گیا ہے کہ جلد ہی بغداد سے اسلام آباد کے لیے بھی براہِ راست پروازوں کا آغاز کیا جائے گا۔

The post عراق سے پاکستان کے لیے براہِ راست پروازیں دوبارہ بحال first appeared on Daily Qaum.