لائف سائنسز ریسرچ کے لیے نیا اے آئی ماڈل متعارف

اس 

اوپن اے آئی نے لائف سائنسز اور حیاتیاتی تحقیق کے فروغ کے لیے مصنوعی ذہانت پر مبنی نیا ماڈل جی پی ٹی-روزالینڈ (GPT-Rosalind) متعارف کرایا ہے، جس کا نام برطانوی سائنس دان روزالینڈ فرینکلن کے نام پر رکھا گیا ہے۔ یہ ماڈل بایو کیمسٹری، ادویات کی دریافت، بیماریوں کی تشخیص اور علاج سے متعلق تحقیق میں سائنس دانوں کی معاونت کے لیے تیار کیا گیا ہے۔

یہ ماڈل محققین کو سائنسی ڈیٹا بیسز تک رسائی، تحقیقی مقالات کے تجزیے، مختلف سائنسی ٹولز کے استعمال اور نئے تجربات کے لیے تجاویز فراہم کرنے کی صلاحیت دیتا ہے۔ اسے اوپن اے آئی کے جدید اندرونی ماڈلز کی بنیاد پر تیار کیا گیا ہے اور مستند صارفین کے لیے چیٹ جی پی ٹی، کوڈیکس اور اے پی آئی کے ذریعے ریسرچ پری ویو کے طور پر دستیاب کیا گیا ہے۔

اس کے ساتھ اوپن اے آئی نے کوڈیکس کے لیے ایک مفت لائف سائنسز ریسرچ پلگ اِن بھی متعارف کرایا ہے، جو سائنس دانوں کو 50 سے زائد سائنسی ٹولز اور ڈیٹا ذرائع سے منسلک کرتا ہے۔ کمپنی کے مطابق یہ جدید فلیگ شپ ماڈل کا ایک خصوصی ورژن ہے، جسے دفاعی سائبر سیکیورٹی سمیت جدید تحقیقی ضروریات کو مدنظر رکھتے ہوئے بہتر بنایا گیا ہے۔ یہ اعلان اینتھروپک کے نئے اے آئی ماڈل میتھوز (Mythos) کی رونمائی کے بعد سامنے آیا ہے۔