بیرسٹر شبیر شاہ پراسیکیوٹر جنرل سندھ تعینات، نوٹی فکیشن جاری

سندھ حکومت نے بیرسٹر شبیر شاہ کو پراسیکیوٹر جنرل سندھ تعینات کر دیا ہے۔ اس حوالے سے صوبائی حکومت کی جانب سے تقرری کا باضابطہ نوٹیفکیشن بھی جاری کر دیا گیا ہے۔ بیرسٹر شبیر شاہ اس سے قبل ایڈیشنل ایڈووکیٹ جنرل سندھ کے فرائض انجام دے چکے ہیں اور انہیں قانونی و آئینی امور میں وسیع تجربہ حاصل ہے۔ حکومت سندھ کے نوٹیفکیشن کے تحت بیرسٹر شبیر شاہ کو اب پراسیکیوٹر جنرل سندھ کا عہدہ تفویض کیا گیا ہے۔ حکام کے مطابق انہیں قانونی معاملات اور آئینی امور میں مہارت کے باعث اس اہم ذمہ داری کے لیے منتخب کیا گیا ہے۔ بیرسٹر شبیر شاہ کی تقرری کا باضابطہ نوٹیفکیشن جاری ہونے کے بعد وہ صوبے کے پراسیکیوشن نظام سے متعلق ذمہ داریاں انجام دیں گے۔