لودھراں: 70 یونین کونسلر میں کرپشن، سیکرٹریز کی کارکردگی صفر، ریکارڈ “قوم” کو موصول

لودھراں(بیورو رپورٹ) DDLG لودھراں راؤ منصب کی مبینہ سرپرستی میں ضلع لودھراں کی 70 یونین کونسلوں میں مبینہ مالی بے ضابطگیوں، فیک بلنگ اور سرکاری فنڈز کے مشکوک استعمال کا معاملہ روزنامہ قوم کی تحقیقات میں مختلف یونین کونسلوں کے مالی ریکارڈ اور اخراجات سے متعلق تفصیلات حاصل کرلیں یونین کونسل سیکرٹریوں کی کارکردگی کو صفر اخراجات لاکھوں میں میراں پور کے سیکرٹری عبد الخالق نے بھی خوب ہاتھ صاف کیئے مبینہ فیک بلنگ کے ذریعے لاکھوں روپے ہڑپ کیئے گئے ہیں لودھراں ضلع بھر کی متعدد یونین کونسلوں میں مختلف فنڈز اور ترقیاتی مدات میں لاکھوں روپے کے اخراجات ظاہر کیے گئے، تاہم کئی مقامات پر متعلقہ کاموں کے بارے میں عوام لاعلم ہیں جبکہ بعض منصوبوں کے حوالے سے زمینی حقائق اور سرکاری ریکارڈ میں واضح فرق کے دعوے بھی سامنے آ رہے ہیں۔ ذرائع کا کہنا ہے کہ متعدد یونین کونسل سیکرٹریوں کے مالی معاملات اور بلنگ ریکارڈ میں تضاد موجود ہے جن کی مکمل جانچ پڑتال ناگزیر ہو چکی ہے۔ واضح رہے کہ یونین کونسل میراں پور کے سیکرٹری عبدالخالق کے حوالے سے بھی مختلف مالی معاملات میں مبینہ بے ضابطگیوں کے الزامات سامنے آئے ہیں۔ ذرائع کے مطابق بعض فنڈز کے اجرا اور اخراجات کے دعوؤں کے باوجود متعلقہ کاموں کے بارے میں سوالات موجود ہیں، جس پر شہری حلقے شفاف تحقیقات کا مطالبہ کر رہے ہیں سماجی حلقوں کا کہنا ہے کہ اگر یونین کونسلوں کے ریکارڈ میں ترقیاتی اور انتظامی اخراجات ظاہر کیے گئے ہیں تو ان کے ثمرات بھی عوام کو نظر آنے چاہئیں۔ ان کا مؤقف ہے کہ ضلع کی تمام یونین کونسلوں کے مالی معاملات، بلوں، واؤچرز اور ترقیاتی فنڈز کا تفصیلی آڈٹ کرایا جائے تاکہ یہ معلوم ہو سکے کہ عوامی خزانے سے جاری ہونے والی رقوم کہاں اور کس مد میں خرچ ہوئیں۔ذرائع کے مطابق مبینہ بے ضابطگیوں کے خلاف اینٹی کرپشن سمیت دیگر متعلقہ اداروں سے رجوع کرنے کی تیاریاں بھی کی جا رہی ہیں جبکہ شہری حلقے ڈائریکٹر لوکل گورنمنٹ ملتان، سیکرٹری لوکل گورنمنٹ پنجاب اور دیگر اعلیٰ حکام سے مطالبہ کر رہے ہیں کہ ضلع لودھراں کی تمام یونین کونسلوں کے مالی ریکارڈ کی چھان بین کر کے حقائق عوام کے سامنے لائے جائیں۔

The post لودھراں: 70 یونین کونسلر میں کرپشن، سیکرٹریز کی کارکردگی صفر، ریکارڈ “قوم” کو موصول first appeared on Daily Qaum.